இந்த உலகத்தில் பிறந்த அனைவருக்கும், ஒவ்வொரு குணம், பண்பு இருக்கும் அதை நாம் கண்டுபிடிக்க ஒரு சில வழிகள் இருக்கின்றன. அதில் முக்கியமான ஒரு வழிதான், இரத்த வகை (blood group). ஒருவரின் இரத்த வகையைக் கொண்டு, அவரது குணங்களை ஓரளவு சொல்லிவிட முடியும் என்கிறார் ஜப்பானைச் சேர்ந்த மருத்துவர் மற்றும் பேராசிரியர் டோகேஜி ஃபுருகவா (Tokeji Furukawa) என்பவர். இது குறித்து ஆய்வு செய்து வெளியிட்டிருக்கும் அவர், அதற்கு கெட்சுகி கதா (Ketsueki-gata) என்று பெயரும் வைத்திருக்கிறார். அவரின் ஆய்வுப்படி நீங்கள் எந்த இரத்த வகை? உங்களின் குணம் என்ன? என்று பார்க்கலாம்.
A இரத்த வகை
இவர்கள் இலகுவான குணம் கொண்டவர்கள். அதிகம் உணர்ச்சி வசப்படக் கூடியவர்கள். பொறுமையானவர்கள். அன்பானவர்கள். தான் எந்த ஒரு செயலைச் செய்தாலும் நன்கு யோசித்து, தீர்க்கமான முடிவாக எடுப்பார்கள். சுத்தம், சுகாதாரம் ஒழுக்கம் இவைதான் இவர்களின் மூச்சு. இவர்களை எளிதில் காயப்படுத்திவிட முடியும். யாரிடமும் அதிகம் பேச மாட்டார்கள். தனிமை இவர்களுக்கு மிகவும் பிடிக்கும்.
A+ இரத்த வகை
A இரத்த வகையில் உள்ள அனைத்து குணங்களும் A+ இரத்த வகைக்கு உண்டு என்றாலும். A இரத்த வகையை விட A+ இரத்த வகையின் ஆற்றலானது இரண்டு மடங்கு அதிகமாகவே இருக்கும். அனைத்து விஷயங்களை மிக எளிதாகச் செய்து முடிப்பார்கள்.
A- இரத்த வகை
A- இரத்த வகையைச் சேர்ந்தவர்களுக்கு, அவர்களுக்கான நம்பிக்கையே, அவர்களுக்குக் குறைவாக இருக்கும். இவர்களிடம் கூச்சசுபாவம் அதிகமாகக் காணப்படும். இருப்பினும், இவர்களுக்குக் கொடுக்கப்பட்ட வேலைகளை மிகச் சிறப்பாகச் செய்து முடிப்பார்கள். இவர்கள் மனதில் உள்ள உணர்வுகளை வெளிப்படுத்த மாட்டார்கள்.
B இரத்த வகை
கற்பனைத் திறன் அதிகம் கொண்டவர்கள். எதையும் சட்டென முடிவெடுத்துச் செய்வார்கள். அந்த முடிவில் உறுதியாகவும் இருப்பார்கள். எதற்கும் துணியும் சாகசங்களை விரும்பும் நபர்கள். சுறுசுறுப்பாக இருப்பார்கள். வாழ்க்கையில் மற்றவர்களால் நிறைய வேதனைகளை அனுபவித்திருப்பார்கள். அனைத்து விஷயங்களையும் மிக தெளிவாக முடிவு எடுக்கக்கூடியவர்கள். குறிப்பிக்க அனைத்து விஷயங்களிலும் சமுதாயத்தில் இவர்கள் தனித்துவமாக தெரிய வேண்டும் என்று விரும்புவார்கள். இவர்களது மனம் மிகவும் இளகிய மனமாக இருக்கும். இவர்கள் குறிப்பக யாரிடமும் சுயநலகமாக இருக்க மாட்டார்கள். இவர்களுக்கு நண்பர்கள் கூட்டம் குறைவாக இருந்தாலும் உண்மையானவர்களாக இருப்பார்கள். சுயநலம், பொறுப்பின்மை, ஒத்துழைக்காத குணங்களால் மற்றவர்களிடம் வெறுப்பைச் சம்பாதிப்பார்கள்.
B+ இரத்த வகை
B+ இரத்தப் பிரிவைச் சேர்ந்தவர்கள் மிகவும் எதிர்பார்ப்பு கொண்டவர்களாக இருப்பார்கள். இவர்களது மன உணர்ச்சிகள் மிகவும் கடினமானதாக இருக்கும். இவர்கள் செயல்படுத்தும் எந்த வேலையாக இருந்தாலும் சரி அவற்றை நேர்மையாகச் செய்ய வேண்டும் என்று விரும்புவார்கள். இவர்களது காதல், தொழில், கற்பனை, செயல்கள் இவை அனைத்துமே மிகப் பெரிதாகவே இருக்கும்.
B- இரத்த வகை
B- இரத்த வகையைச் சேர்ந்தவர்கள் மிகவும் சுயநலவாதியாக இருப்பார்கள். இவர்கள் மற்றவர்கள் சொல்வதைக் கேட்கமாட்டார்கள், இவர்களுக்கு என்ன தோன்றுகிறதோ, அவற்றைத்தான் செய்வார்கள். இருப்பினும், இவர்களை சுற்றி இருக்கும் அனைவரையும் எப்பொழுதுமே மகிழ்ச்சியாக வைத்துக் கொள்ள வேண்டும் என்று நினைப்பார்கள். இருப்பினும், உறவு முறை என்று வரும்பொழுது இவர்களிடம் கோபம் அதிகமாக இருக்கும். பொறுமையை இழந்து விடுவார்கள்.
AB இரத்த வகை
இவர்கள் A மற்றும் B வகை குணங்களைக் கலந்த குணம் கொண்டவர்களாக இருப்பார்கள். இவர்கள் எப்போது, எப்படி இருப்பார்கள்? என்பதை கண்டறிவதேச் சிக்கல். இவர்களை எளிதில் புரிந்து கொள்ளவே முடியாது. அவர்களுடன் நீண்ட காலம் வாழ்ந்து முழுமையாகப் பழகினாலே அவர்களின் குணத்தைப் புரிந்து கொள்ள முடியும். வெளி நபர்களுக்கு அவர்களை புரிந்து கொள்வது கடினம். அதேபோல், இந்த வகை ரத்தம் கொண்டவர்கள் உலக அளவில் மிகக் குறைவு. எளிதில் நட்பு வட்டத்தை உருவாக்குவார்கள். எப்போதும் குளிர்ச்சியாக , அக்கறையாக இருப்பார்கள். எப்போதும் கவலைகளால் சோர்ந்து இருக்க மாட்டார்கள். அதேசமயம், பொறுப்பின்றி இருப்பார்கள், மறதி, மன்னிக்காத குணம் அதிகம் இருக்கும்.
AB+ இரத்த வகை
இந்தப் பிரிவினை சேர்ந்தவர்கள் எப்பொழுதுமே மகிழ்ச்சியாக இருப்பவர்கள் என்று சொல்லலாம். இவர்களிடம் நகைச்சுவைத் திறன் அதிகமாகக் காணப்படும். அனைவரையும் மகிழ்ச்சியாக வைத்திருப்பார்கள். சின்ன சின்ன விஷயத்திற்கெல்லாம் கோபப்படமாட்டார்கள். இவர்கள் புதிய புதிய விஷயங்களைச் செய்ய விரும்புவார்கள். நவீனமாக இருக்க விரும்புவார்கள். உடல் நலத்தில் அதிகம் அக்கறை செலுத்தும் நபராக இருப்பார்கள். அனைவரிடமும் நண்பர்களைப் போல் பழகுவார்கள்.
AB- இரத்த வகை
இந்தப் பிரிவை சேர்ந்தவர்கள், யாராவது தவறு செய்துவிட்டார்கள் என்றால், அந்தத் தவறை எளிதில் மன்னிக்கவே மாட்டார்கள். இவர்களுக்கு லாபம் தரும் செயல்களை மட்டுமேச் செய்வார்கள். குற்ப்பிடத்தக்க இவர்கள் நண்பர்களிடம் மட்டும்தான் நெருங்கிப் பழகுவார்கள். உறவுகளை எப்பொழுது மகிழ்ச்சியாக பார்த்துக் கொள்வார்கள்.
O இரத்த வகை
இவர்கள் அதிக நம்பிக்கை குணம் கொண்டவர்கள். தலைமைப் பண்பு, ஆளுமைத் திறன், நேர்மை அதிகம் இருக்கும். இதனால் மற்றவர்களுக்குச் சுயநலம் கொண்டவர்களாகத் தெரிவார்கள். குறிப்பாக A வகை ரத்தம் கொண்டவர்களுக்குச் சுயநலமாகத் தெரிவார்கள். அதிக அன்பு, இளகிய மனம் கொண்டவர்கள். எதையும் சட்டெனப் புரிந்து கொண்டு, அதை ஏற்றுக்கொள்ளும் மனப்பக்குவம் கொண்டவர்கள். எதையும் பெரிதாக குழப்பிக் கொள்ளாமல் சாதாரணமாகக் கடந்து செல்வார்கள். எப்போதும் நேர்மறையான தோற்றம் கொண்டவர்கள். சுதந்திரமானவர்கள், தன்னிச்சையாக முடிவெடுக்கும் குணம் கொண்டவர்களாகவும் இருப்பார்கள். அதேசமயம் இவர்களுக்குப் பொறாமை குணமும் கொஞ்சம் அதிகம்.
O+ இரத்த வகை
இந்த O+ இரத்த வகையைச் சேர்ந்தவர்களிடம் நேர்மைக் குணம் அதிகம் காணப்படும். இவர்கள் குறிப்பாக, பொய் சொல்வதை விரும்ப மாட்டார்கள். அதேபோல், பொய் சொல்கிறவர்களை ஒதுக்கி விடுவார்கள். உதவி என்று கேட்பவர்களுக்கு, உடனே உதவி செய்யும் குணம் இவர்களிடம் இருக்கும்.
O- இரத்த வகை
இவர்கள் மிகவும் சிறப்பாக இருப்பார்கள், அதிக உறுதியக இருப்பார்கள். குறிப்பாக, யாரையும் எளிதில் நம்ப மாட்டார்கள். யாரிடமும் அவ்வளவு சீக்கிரம் பழகிவிட மாட்டார்கள். இவர்கள் புதிது புதிதாக ஏதாவது வேலை செய்ய வேண்டும் என்று விரும்புவார்கள். இவர்களது காலத்தால் வாழ்க்கையில் அன்பை அவ்வளவு எளிதாக வெளிப்படுத்த மாட்டார்கள்.