அமெரிக்கச் சிறுவன் ஒருவனுக்குப் பயங்கரப் பணக்கஷ்டம்.

அவனுக்கு ஒரு அம்பது டாலர் பணம் தேவைப்பட்டது. கடவுளிடம் வெகுநாளாக வேண்டிப் பார்த்தான். ஒண்ணும் வேலைக்கு ஆகவில்லை.

கடைசியாகப் பணம் தர வேண்டிக் கடவுளுக்கு ஒரு கடிதம் எழுதினான்.

அந்த உறையின் மேல் கடவுள், அமெரிக்கா என்று எழுதித் தபாலில் சேர்த்து விட்டான்.

தபால் அதிகாரிகள் அந்தக் கடிதத்தைப் பார்த்து ஆச்சரியப்பட்டார்கள்.

ஒரு விளையாட்டாக அதை வெள்ளை மாளிகைக்கு அனுப்பி வைத்தார்கள்.

அந்தக் கடிதத்தைப் படித்த அமெரிக்க ஜனாதிபதிக்கு ஒரே ஆச்சர்யம்.

"சரி... இந்தப் பையனுக்கு உதவுவோம்... ஆனால், ஒரு சிறு பையனுக்கு அம்பது டாலர் எல்லாம் அதிகம். எனவே, இருபது டாலர் மட்டும் அனுப்புவோம்" என்று அனுப்பி வைத்தார்.

பணம் கிடைத்தவுடன் பையனுக்கு மகிழ்ச்சி தாங்கவில்லை.

உடனே நன்றி தெரிவித்துக் கடவுளுக்கு ஒரு கடிதம் எழுதினான்.


"ரொம்ப நன்றி! கடவுளே... நான்கேட்ட மாதிரி பணம் அனுப்பி வைத்து விட்டீர்கள்... இருந்தாலும்... நீங்க அமெரிக்க ஜனாதிபதி ஆபீஸ் மூலமா பணம் அனுப்புனத நான் கவரப் பார்த்துத் தெரிஞ்சுக்கிட்டேன்... தயவு செஞ்சு இனிமேல் அப்படி அனுப்பாதீங்க... நீங்க அனுப்புன பணத்திலே அந்த ஜனாதிபதி அலுவலகத்திலோ எவனோ முப்பது டாலர் பணத்தைத் திருடிட்டான்...”

இது முத்துக்கமலம் இணைய இதழின் படைப்பு.