1. நண்டு - 1/2 கிலோ

2. தக்காளி - 1 எண்ணம்

3. பூண்டு - 10 பல்

4. பட்டை - 2 துண்டு

5. கரம் மசாலாத்தூள் - 1/2 தேக்கரண்டி

6. மிளகாய்த்தூள் - 1/2 தேக்கரண்டி

7. கிராம்பு - 5 எண்ணம்

8. சோம்பு - 1/2 தேக்கரண்டி

9. மிளகுத்தூள் - 1/2 தேக்கரண்டி

10. மஞ்சள் தூள் - 1/2 தேக்கரண்டி

11. தேங்காய்த்துருவல் - 1 கோப்பை

12. எலுமிச்சைச் சாறு - சிறிது

13. கறிவேப்பிலை - 2 கொத்து

14. இஞ்சி பூண்டு விழுது - 1 தேக்கரண்டி

15. எண்ணெய் - 1 மேசைக்கரண்டி

16. சின்ன வெங்காயம் - 150 கிராம்

17. மல்லித்தூள் - 2 தேக்கரண்டி

18. உப்பு - தேவையான அளவு

1. நண்டை ஓடு நீக்கிச் சுத்தம் செய்து, இளஞ்சூட்டிலான தண்ணீரில் சிறிது எலுமிச்சைச் சாறு மற்றும் மஞ்சள்தூள் கலந்து அரைமணி நேரம் ஊற வைக்கவும்.

2. சின்ன வெங்காயத்தைப் பொடியாக நறுக்கிக் கொள்ளவும். பாதி சின்ன வெங்காயத்தை சிறிது எண்ணெயில் வதக்கி, மிளகாய்த்தூள், மல்லித்தூள், சோம்பு சேர்த்து வதக்கி ஆற வைத்து நன்கு அரைத்துக் கொள்ளவும்.

3. ஒரு வாணலியில் எண்ணெய் ஊற்றிக் காய்ந்ததும், கிராம்பு, பட்டை ஆகியவற்றை போட்டுத் தாளித்து, இஞ்சி பூண்டு விழுது சேர்த்து வதக்கவும்.

4. அதனுடன் பூண்டு, நறுக்கிய வெங்காயம், தக்காளி சேர்த்து வதக்கவும்.

5. பின்னர் அதில் கரம்மசாலாத்தூள், அரைத்து வைத்திருக்கும் வெங்காய விழுது சேர்த்து நன்கு வதக்கி, பின்னர் நண்டைச் சேர்த்து லேசாக பிறட்டி, சிறிது தண்ணீர், உப்பு சேர்த்து வேக விடவும்.

6. தேங்காயை நன்றாக அரைத்து அதனுடன் சேர்த்து கொதிக்க விடவும்.

7. நண்டு நன்றாக வெந்து குழம்பு நன்றாக கொதித்து சிறிது கெட்டியானதும், மிளகுத்தூள், நறுக்கிய கறிவேப்பிலை சேர்த்துக் கலக்கி அடுப்பிலிருந்து இறக்கிப் பரிமாறலாம்.

*****

இது முத்துக்கமலம் இணைய இதழின் படைப்பு.