1. நண்டு - 500 கிராம்

2. வெங்காயம் - 1 எண்ணம்

3. பச்சை மிளகாய் - 1 எண்ணம்

4. மிளகாய்த்தூள் - 2 தேக்கரண்டி

5. மஞ்சள் தூள் - 1/2 தேக்கரண்டி

6. தேங்காய் - 1 சில்லு

7. சோம்பு - 1 தேக்கரண்டி

8. கடுகு - 1/2 தேக்கரண்டி

9. உளுத்தம்பருப்பு - 1 தேக்கரண்டி

10. தக்காளி - 1 எண்ணம்

11. கறிவேப்பிலை - சிறிது

12. மல்லித்தழை - சிறிது

13. எண்ணெய் - தேவையான அளவு

14. உப்பு - தேவையான அளவு

1. எலுமிச்சைச் சாறு கலந்த சுடு நீரில், நண்டை அரை மணி நேரம் போட்டு வைத்திருந்து, அதன் பிறகு சுத்தம் செய்து கொள்ளவும்.

2. ஒரு வாணலியில் எண்ணெய் ஊற்றிக் காய்ந்ததும், அதில் கடுகு, உளுத்தம்பருப்பு, கருவேப்பிலை போட்டுத் தாளிக்கவும்.

3. தாளிசத்துடன் நறுக்கி வைத்த வெங்காயம் சேர்த்து வதக்கவும்.

4. அதன் பிறகு, நறுக்கி வைத்த தக்காளியைச் சேர்த்து வதக்கவும்.

5. அத்துடன் மிளகாய்த்தூள், உப்பு சேர்த்து வதங்கிய பின் தேங்காய்த் துருவல், சோம்பு ஆகியவற்றைச் சேர்த்து மின்னரவையில் (மிக்ஸியில்) விழுதாக அரைத்துச் சேர்க்க்கவும்.

6. விழுது சேர்த்து வதங்கிய பின்பு, சுத்தம் செய்து வைத்த நண்டுவைப் போட்டு பத்து நிமிடம் மிதமான நெருப்பில் சிறிது தண்ணீர் ஊற்றி வேக வைத்து இறக்கவும்.

*****

இது முத்துக்கமலம் இணைய இதழின் படைப்பு.