1. நண்டு - 8 எண்ணம்

2. வெங்காயம் - 2 எண்ணம்

3. தக்காளி - 2 எண்ணம்

4. இஞ்சிப் பூண்டு விழுது - 1 தேக்கரண்டி

5. மிளகு - 2 தேக்கரண்டி

6. சீரகம் - 1 தேக்கரண்டி

7. மிளகாய்த்தூள் - 2 தேக்கரண்டி

8. மஞ்சள்தூள் - 1 தேக்கரண்டி

9. தேங்காய்த் துருவல் - 1/4 கப்

10. மல்லி - 3 தேக்கரண்டி

11. நல்லெண்ணெய் - தேவையான அளவு

12. மல்லித்தழை - சிறிது

13. உப்பு - தேவையான அளவு

1. நண்டுகளை மஞ்சள்தூள் கலந்த நீரில் சிறிது நேரம் ஊற வைத்துச் சுத்தம் செய்து கொள்ளவும்.

2. எண்ணெய் விடாமல் வறுத்த மல்லி விதை, தேங்காய், மிளகு, சீரகம், மிளகாய்த்தூள் ஆகியவற்றுடன் சிறிது தண்ணீர் சேர்த்து விழுதாக அரைத்து வைக்கவும்.

3. ஒரு வாணலியில் எண்ணெய் ஊற்றிக் காய்ந்ததும், பொடியாக நறுக்கிய வெங்காயம், தக்காளி, இஞ்சிப்பூண்டு விழுது சேர்த்து நன்றாக வதக்கவும்.

4. அதனுடன் அரைத்து வைத்திருக்கும் மசாலா, மஞ்சள்தூள், உப்பு சேர்த்து வதக்கவும்.

5. பின் சுத்தம் செய்து வைத்திருக்கும் நண்டுகளைச் சேர்த்து மெதுவாகப் பிரட்டி விடவும்.

6. அதில் அரை கப் தண்ணீர் சேர்த்து மூடி வைக்கவும்.

7. நண்டுகள் வெந்ததும், மெதுவாகப் பிரட்டி விடவும். மசாலா அடர்த்தியாகும் வரை மிதமான நெருப்பில் இருக்க வேண்டும்.

8. கடைசியாக அதன் மேல் மல்லித் தழை தூவி இறக்கவும்.

*****

இது முத்துக்கமலம் இணைய இதழின் படைப்பு.