1. முட்டை - 3 எண்ணம்

2. வெங்காயம் - 1 எண்ணம்

3. மிளகாய்த் தூள் - 1 தேக்கரண்டி

4. மஞ்சள் தூள் - 1/4 தேக்கரண்டி

5. மல்லித்தூள் - 2 தேக்கரண்டி

6. கரம் மசாலாத் தூள் - 1 தேக்கரண்டி

7. பச்சை மிளகாய் - 3 எண்ணம்

8. பூண்டு - 5 பல்

9. சோள மாவு - 1 மேசைக்கரண்டி

10. தக்காளி -- 1 எண்ணம்

11. உப்பு - தேவையான அளவு

12. எண்ணெய் - தேவையான அளவு.

1. முட்டையை வேகவைத்துத் தோலுரித்து வைக்கவும்.

2. சோளமாவுடன், மிளகாய் தூள், மஞ்சள் தூள், மல்லித்தூள், கரம் மசாலாத்தூள் மற்றும் உப்பு சேர்த்து நன்றாகக் கலந்து கொள்ளவும்.

3. அதனுடன் சிறிது தண்ணீர் சேர்த்துச் சிறிது விழுது போல் கலக்கி வைக்கவும்.

4. ஒரு வாணலியில் எண்ணெய் ஊற்றிக் காய்ந்ததும் அதில் வேகவைத்த முட்டையை மசாலாக் கலவையில் பிரட்டிப் பொரித்து எடுத்துத் தனியாக வைக்கவும்.

5. வாணலியில் எண்ணெய் ஊற்றிக் காய்ந்ததும், அதில் நறுக்கிய வெங்காயம், பச்சை மிளகாய், பூண்டு ஆகியவற்றைச் சேர்த்து நன்கு வதக்கவும்.

6. அதனுடன் சிறிது மிளகாய்த்தூள், மஞ்சள் தூள் மற்றும் பொடிதாக நறுக்கி வைத்துள்ள தக்காளியைச் சேர்த்துக் நன்றாக வதக்கவும்.

7. பின்னர் பொரித்து வைத்த முட்டைகளைச் சேர்த்து, தேவையான அளவு உப்பு சேர்த்து நன்கு கிளறி இறக்கி விடவும்.

*****

இது முத்துக்கமலம் இணைய இதழின் படைப்பு.