1. ஆட்டுக்கறி – 1/2 கிலோ (எலும்பு நீக்கியது)

2. கறிமசால் தூள் – 1 தேக்கரண்டி

3. மிளகுத்தூள் - 1 மேசைக்கரண்டி

4. சீரகத்தூள் – 1 மேசைக்கரண்டி

5. மஞ்சள்தூள் - 1/2 தேக்கரண்டி

6. பச்சை மிளகாய் – 2 எண்ணம்

7. பெ.வெங்காயம் – 4 எண்ணம்

8.தக்காளி – 3 எண்ணம்

9. உப்பு – தேவையான அளவு

10. எண்ணெய் – தேவையான அளவு

11. மல்லித்தழை - சிறிது.

1. ஆட்டுக்கறியை சிறிது உப்பு சேர்த்து வேக வைக்கவும்.

2. வெங்காயத்தை நீளவாக்கில் நறுக்கிக் கொள்ளவும். தக்காளியைப் பொடியாக நறுக்கி வைக்கவும்.

3. வாணலியில் எண்ணெய் விட்டுக் காய்ந்ததும், பட்டை, இலவங்க இலை தாளித்து, வெங்காயத்தைப் போட்டு பொன்னிறமாக வதக்கவும்.

4. அதனுடன் மிளகுத்தூள், சீரகத்தூள், மஞ்சள் தூள், நறுக்கிய தக்காளி, பச்சை மிளகாய், கறிமசால் தூள் சேர்த்து நன்றாக வதக்கவும்.

5. அதில் தண்ணீர் சிறிது ஊற்றவும். பின்பு வேக வைத்த கறியைச் சேர்த்து சுண்ட வதக்கி இறக்கி விடவும்.

6. அதன் மீது நறுக்கிய வெங்காயம், மல்லித்தழை தூவிப் பரிமாறவும்.

*****

இது முத்துக்கமலம் இணைய இதழின் படைப்பு.