1. மட்டன் – 1 கிலோ

2. பெரிய வெங்காயம் – 1 எண்ணம்

3. தக்காளி – 2 எண்ணம்

4. பச்சை மிளகாய் – 3 எண்ணம்

5. இஞ்சிப் பூண்டு விழுது – 1 மேசைக்கரண்டி

6. மஞ்சள்தூள் – 1 /2 மேசைக்கரண்டி

7. மிளகாய்த்தூள் – 1 தேக்கரண்டி

8. மல்லித்தூள் – 2 தேக்கரண்டி

9. மிளகுத்தூள் – 1 /2 தேக்கரண்டி

10. கறி மசாலாத்தூள் – 1 /2 தேக்கரண்டி

11. கருவேப்பிலை – சிறிது

12. மல்லித்தழை – கையளவு

13. உப்பு – தேவையான அளவு

14. எண்ணெய் - தேவையான அளவு

வறுத்து அரைக்க

15. பட்டை – 2 எண்ணம்

16. கிராம்பு – 3 எண்ணம்

17. சோம்பு – 1 தேக்கரண்டி

18. சின்ன வெங்காயம் – 100 கிராம்

19. வறுகடலை – 2 தேக்கரண்டி

20. தேங்காய் – 1/2 கப்.

1. நன்கு கழுவிச் சுத்தம் செய்த மட்டன் துண்டுகளை 1 /2 மேசைக்கரண்டி இஞ்சிப்பூண்டு விழுது, மஞ்சள்தூள், மிளகாய்த்தூள், கறி மசாலா தூள், உப்பு மற்றும் தேவையான அளவு தண்ணீர் சேர்த்து நன்கு வேக வைத்து எடுத்துக் கொள்ளவும்.

2. வறுத்து அரைக்கக் கொடுத்துள்ள பொருட்களை வறுத்து, விழுதாக அரைத்துக் கொள்ளவும்.

3. ஒரு பாத்திரத்தில் எண்ணெய் ஊற்றிக் காய்ந்ததும், கருவேப்பிலை, பச்சை மிளகாய், வெங்காயம் சேர்த்துப் பொன்னிறமாகும் வரை வதக்கவும்.

4. அதனுடன் மீதமுள்ள இஞ்சிப் பூண்டு விழுது சேர்த்து பச்சை வாசனை போக நன்கு வதக்கவும்.

5. பின் தக்காளி சேர்த்து நன்கு மசியுமாறு வதக்கவும்.

6. பின் வேக வைத்த மட்டன் துண்டுகள், அரைத்த மசாலா விழுது, மிளகுத்தூள் சேர்த்து எண்ணெய் பிரியும் வரை நன்கு வதக்கவும்.

7. அதில் இருக்கும் தண்ணீர் சுத்தமாக வற்றி, மட்டன் பிரவுன் கலராகும் வரை வதக்கவும்.

8. கடைசியாக மல்லித்தழை தூவி பரிமாறவும்.

*****

இது முத்துக்கமலம் இணைய இதழின் படைப்பு.