1. ஆட்டுக்கறி - 1/2 கிலோ

2. சின்ன வெங்காயம் - 15 எண்ணம்

3. உருளைக்கிழங்கு - 2 எண்ணம்

4. தக்காளி -1 எண்ணம்

5. மிளகாய்த்தூள் -1 1/2 மேசைக்கரண்டி

6. மல்லித்தூள் -1 மேசைக்கரண்டி

7. மஞ்சள்தூள் -1/2 மேசைக்கரண்டி

8. மிளகுத்தூள் -1/2 மேசைக்கரண்டி

9. கரம்மசாலாத்தூள் - 1/4 தேக்கரண்டி

10. இஞ்சி -1 துண்டு

11. உப்பு - தேவையான அளவு.

தாளிக்கும் பொருட்கள்

1. பட்டை -1 எண்ணம்

2. கிராம்பு -1 எண்ணம்

3. ஏலக்காய் - 1 எண்ணம்

4. பிரியாணி இலை - 1 எண்ணம்

5. சிறிய வெங்காயம் - 3 எண்ணம்

6. கருவேப்பில்லை - சிறிது.

அரைக்கும் பொருட்கள்

1. தேங்காய்த் துருவல் - 5 தேக்கரண்டி

2. முந்திரிப்பருப்பு - 3 எண்ணம்

3. சோம்பு - 1/2 தேக்கரண்டி

4. பூண்டு - 2 எண்ணம்.

1. ஆட்டுக்கறியைச் சுத்தம் செய்து கொள்ளவும்.

2. வெங்காயம், தக்காளி, உருளைக்கிழங்கு போன்றவற்றை நறுக்கி வைக்கவும்.

3. தண்ணீரில் மஞ்சள் தூள், உப்பு சேர்த்து, அதில் ஆட்டுக்கறியைப் போட்டு வேக வைக்கவும்.

4. வேகவைத்த ஆட்டுக்கறியுடன் தேவையான தண்ணீர் சேர்த்துக் கொதிக்க விடவும்.

5. அத்துடன் வெங்காயம், தக்காளி, உருளைக்கிழங்கு, மிளகாய்த்தூள், மல்லித்தூள், மஞ்சள்தூள், மிளகுத்தூள், உப்பு, கரம்மசாலாத்தூள் சேர்த்து வேகவிடவும்.

6. ஒரு வாணலியில் எண்ணெய் ஊற்றிக் காய்ந்ததும், தாளிசப் பொருட்களைப் போட்டுத் தாளித்து அதைக் குழம்பில் சேர்க்கவும்.

7. அதனுடன் அரைக்கும் பொருட்களை அரைத்து, அந்த விழுதைக் குழம்புடன் சேர்த்துக் கொதி வந்ததும் இறக்கவும்.

*****

இது முத்துக்கமலம் இணைய இதழின் படைப்பு.