1. சுரைக்காய் - 1 எண்ணம்

2. தயிர் - 1 கப்

3. மஞ்சள் தூள் - 1/4 தேக்கரண்டி

4. தேங்காய்த் துருவல் - 2 மேசைக்கரண்டி

5. பச்சை மிளகாய் - 2 எண்ணம்

6. சீரகம் - 1 தேக்கரண்டி

தாளிக்க:

7. எண்ணெய் - 1 தேக்கரண்டி

8. கடுகு - 1/2 தேக்கரண்டி

9. மிளகாய் வற்றல் - 2 எண்ணம்

10. பெருங்காயத்தூள் - ஒரு சிட்டிகை

11. வெந்தயம் - 1/4 தேக்கரண்டி

12. கறிவேப்பிலை - சிறிது

13. உப்பு - தேவையான அளவு.

1. சுரைக்காயின் தோலைச் சீவிவிட்டு, உள்ளிருக்கும் விதை மற்றும் வெள்ளைப் பகுதியை நீக்கி, சிறு துண்டுகளாக நறுக்கிக் கொள்ளவும்.

2. தேங்காய்த்துருவல், பச்சை மிளகாய், சீரகம் ஆகியவற்றைச் சிறிது தண்ணீர் சேர்த்து நன்றாக அரைத்துக் கொள்ளவும்.

3. தயிரை நன்றாகக் கடைந்து, அத்துடன் சிறிது நீரைச் சேர்த்து கெட்டி மோராக வைத்துக் கொள்ளவும்.

4. ஒரு பாத்திரத்தில் சுரைக்காய்த் துண்டுகளைப் போட்டு, அத்துடன் மஞ்சள் தூள், உப்பு, காய் மூழ்கும் அளவிற்கு சிறிது நீர் சேர்த்து வேக விடவும்.

5. காய் வெந்ததும், அதில் அரைத்து வைத்துள்ள தேங்காய் விழுதைப் போட்டு கலந்து, ஓரிரு வினாடிகள் கொதிக்க விடவும்.

6. பின்னர் அடுப்பைச் சிறு நெருப்பில் வைத்து, மோரைச் சேர்த்துக் கிளறி விடவும்.

7. ஒரு வாணலியில் எண்ணெய் விட்டுக் காய்ந்ததும், கடுகு சேர்க்கவும். கடுகு வெடிக்க ஆரம்பித்ததும், அதில் பெருங்காயம், காய்ந்த மிளகாய், வெந்தயம், கறிவேப்பிலை ஆகியவற்றைச் சேர்த்துத் தாளிக்கவும்.

*****

இது முத்துக்கமலம் இணைய இதழின் படைப்பு.