1. கோழிக்கறி - 1/4 கிலோ

2. சின்ன வெங்காயம் - 10 எண்ணம்

3. சீரகத்தூள் - 1 தேக்கரண்டி

4. மிளகுத்தூள் -1 தேக்கரண்டி

5. பச்சை மிளகாய் -1 எண்ணம்

6. தக்காளி - 1 எண்ணம்

7. இஞ்சிப்பூண்டு விழுது - 1 தேக்கரண்டி

8. பட்டை - 1 எண்ணம்

9. மஞ்சள்தூள் - 1/4 தேக்கரண்டி

10. உப்பு - தேவையான அளவு

11. எண்ணெய் - தேவையான அளவு.

1. வெங்காயம், தக்காளியை நறுக்கி வைக்கவும்.

2. ஒரு வாணலியில் எண்ணெய் ஊற்றிப் பட்டை சேர்த்துத் தாளித்து, அத்துடன் நறுக்கிய வெங்காயம் சேர்த்து வதக்கவும்.

3. அதில் இஞ்சிப் பூண்டு விழுது சேர்த்து பச்சை வாசனை போக வதக்கவும்.

4. அத்துடன் தக்காளி, பச்சை மிளகாய் சேர்த்து நன்கு மசியுமாறு வதக்கவும்.

5. வதக்கிய கலவையை ஒரு பாத்திரத்தில் போட்டு, மிளகுத்தூள், சீரகத்தூள், மஞ்சள்தூள், உப்பு, கோழிக்கறி சேர்த்து நன்கு கலக்கி வேக விடவும்.

6. நன்றாக வெந்ததும் இறக்கிப் பரிமாறலாம்.

*****

இது முத்துக்கமலம் இணைய இதழின் படைப்பு.