கடந்த பகுதியில் பிளவு உதடு மற்றும் பிளவு அண்ணம் பற்றிப் பார்த்தோம். அதன் தொடர்ச்சியை இப்பகுதியிலும் பார்க்கலாம்.

பிளவு உதடுகள் மற்றும் பிளவு அண்ணம் பிரச்சனைக்காக அறுவை சிகிச்சை செய்வதற்கு முன், செய்த பின் சில சமயங்களில் உணவுக் குழாய்களுக்கும் சுவாசக் குழாய்க்கும் இடையே முழுமையான மூடல் இருக்காது. இதனால் அந்நபர் பேசும் போது வாய்வழி காற்று வராமல் மூக்கு வழியேக் காற்று வரும். இதனால் மூக்கால் பேசுவது போல கொணகொணவென சத்தம் வரும். இதனை ஆங்கிலத்தில் Velopharyngeal Insufficiency என்பர். இந்தப் பிரச்சனையைக் குணப்படுத்த குழந்தைகள் நல மருத்துவரிடம் அழைத்துச் செல்ல வேண்டும். பின்பகுதி தொண்டைச் சுவரை மூடும் மெது அண்ணத்தின் தோல்வி VPI எனப்படுகிறது.


இப்பிரச்சனை உள்ளவரிடம் சில தமிழ் வாக்கியங்களைக் கொடுத்துப் பேசச் சொல்லுவர்.

* பாப்பா பாட்டு பாடு

* மாமன் மகள் மீனா

* நான் நேற்று நடந்தேன்

* காமினி பாக்கு கொடு

* டினா டம்ளரை போட்டாள்

* சாமி காசு சேர்த்தான்

* வாணி தவளை வரைந்தாள்

* யார் வளையல் வாங்கியது

* ரங்கன் ரயிலில் ஏறினான்.

வாக்கிய உச்சரிப்பில் ‘எஃப்’ மற்றும் ‘வி’ ஒலிகள் எப்படி வருகின்றன என ஆராய்வர்.

பிளவு அண்ணம் பேச்சில் பாதிப்பை ஏற்படுத்துவது போலவே செவித்திறன் பிரச்சனைகளையும் ஏற்படுத்தும்.

பற்களுக்கான குறள்கள் * உண்டால் கழுவிடுக திருவாயை சீராக கண்டபடி உண்ணாதே கேடு. * மருத்துவன் மாண்புறு மானுடன் எண்ணி மருந்தும் விருந்தாய் மகிழ். - தஞ்சாவூர் ஹரணி

உதடு மற்றும் பிளவு அண்ணத்தினால் சில பாதகமான விளைவுகள் ஏற்படும்.

1. சுவாசப் பிரச்சனைகள்

2. சாப்பிடுவதில் சிரமம், இது ஊட்டச்சத்துக் குறைபாட்டிற்கு வழிவகுக்கும்.

3. நாக்கை அழுத்துதல் (உணவு உண்ணும் போது, ஒருவர் நாக்கை முன்னோக்கி தள்ளும் போது)

4. நாசி, பேச்சு அல்லது சில ஒலிகளை சொல்வதில் துன்பங்கள்.

5. அரிக்கும் தோலழற்சி மற்றும் சொரியாசிஸ் போன்ற தோல் பிரச்சினைகள்.

6. நடத்தை, உணர்ச்சி அல்லது சமூகப் பிரச்சனைகள்.

7. காது நோய்த்தொற்றுகள், கேட்கும் சிரமங்கள் அல்லது மொத்தக் காது கேளாமை.

8. சரியாக வராத பற்கள் (நெரிசலான பற்கள்)

9. நாள்பட்ட நுரையீரல் நோய் அல்லது சிஸ்டிக் ஃபைப்ரோஸிஸ் (CF) போன்ற பிற்கால வாழ்க்கையில் குழந்தைகளுக்கு சுவாசப் பிரச்சனைகள்

இவற்றுள் குறிப்பாக, பிளவு அண்ணம் இருக்கும் குழந்தைகளுக்கு நடுக் காதில் நோய்த் தொற்று ஏற்படும். Otitis Media என ஆங்கிலத்திலும், இடைச் செவியழற்சி எனth தமிழிலும் இந்த நோய்த் தொற்றை அழைப்பர். காதுகளில் தசைகளும், எலும்புகளும் முழுமையாக வளர்ச்சி அடையாமல் இருப்பதால் இந்த மருத்துவp பிரச்சினை உருவாகும். தொடரும் இப்பிரச்சனையால் காது கேளாமை வந்துவிடும். தாய்ப்பால் இப்பிரச்சனையைக் குணப்படுத்தும் மாமருந்து.

பிளவு உதடு, பிளவு அண்ண குழந்தைகளுக்குப் பால் புகட்டப் பல வழிகள் உள்ளன.

* தாய்ப்பால்

* புட்டிப்பால்

* கரண்டி வழியாக பால் புகட்டல்

* ஊசி மருந்து செலுத்துவது போன்று பால் புகட்டல்


பிளவு உதடுக் குழந்தைகளுக்கு எவ்வழியில் பால் புகட்டலும் கடினமானதே. பால் வீணாய் வழிந்தோடும். தாய்ப்பால் ஓரளவுக்குக் குழந்தைக்கான எடையை அதிகரிக்கும்.

பிளவு உதடுக் குழந்தைகள் தாய்ப்பாலை உறிஞ்சும் போது இருமல், மூச்சுத் திணறல், எதுக்கலிப்பு, மூக்கடைப்பு உள்ளிட்ட துன்பங்கள் உருவாகும்.

பிளவு உதடுகள், பிளவு அண்ணத்துடன் இருக்கும் குழந்தைகளைத் தனித்தனியாக மதிப்பீடு செய்ய வேண்டும்.

பிளவு உதட்டின் அளவென்ன? பிளவு உதடு மற்றும் அண்ணத்தின் வாயமைப்பு என்ன? என்பது போன்ற பிளவு உதடுக் குழந்தைகளுக்கு அந்தத் தாய் ஏற்கனவேப் பால் கொடுத்த அனுபவம் பெற்றிருக்கிறாரா? பிளவு உதடுக் குழந்தைகளை எம்முறையில் வைத்துப் பால் கொடுத்தால், பிளவு உதடுக் குழந்தையால் முழுமையாகத் தாய்பால் அருந்த முடியும் என்பதனைக் கணிக்க வேண்டும்.


பிளவு உதடுக் குழந்தைகளுக்குப் புட்டிப் பால் கொடுப்பதில் சில மாற்று வழிகள் உள்ளன.

* கண்ணாடி பாட்டில் அல்லது அமுக்க முடியாத பிளாஸ்டிக் பாட்டில்களில் பால் புகட்டுவதற்கு பதில் பாட்டிலை ஸ்பாஞ்ச் போல் அமுக்கிப் பாலைப் புகட்டும் விதமாய்ப் பால் பாட்டில் ஏற்பாடு செய்யலாம்.

* ஊசி இல்லாத சிரின்ஜ் வைத்து முழு அளவு பாலை பிளவு உதடு பிளவு அண்ணக் குழந்தைகளுக்கு திருப்தியாகப் புகட்டலாம்.

* பிளவு உதடு பிளவு அண்ணம் உள்ளவர்களைப் பல்துறை பிளவு குழு வைத்து பிளவுப் பிரச்சனையைத் திறன்பட மேலாண்மை செய்யலாம்.

* குழுவிலுள்ள தனி நபர்கள் ஒரு இடைநிலை வழியில் செயல்பட்டு பிளவு உதடு, பிளவு அண்ணக் குழந்தைகளுக்கு சிறப்பாக உதவ முடியும்.

* பிளவு உதடு பிளவு அண்ணக் குழந்தைக்கான சிகிச்சை விளைவுகளை அளவிடுவது தேவையான ஒன்று.

உடல்நல விளைவு அளவீட்டுக்கான சர்வதேச கூட்டமைப்பு (ICHOM) பிளவு உதடு மற்றும் பிளவு அண்ணத்திற்கான விளைவு அளவீடுகளின் நிலையான புள்ளி விவரங்களை முன்மொழிந்துள்ளது. கேட்பது, சுவாசிப்பது, உண்ணுவது, குடித்தல், பேச்சு, வாய்வழி ஆரோக்கியம், தோற்றம் மற்றும் உளவியல், சமூக நலன் போன்றவை பிளவு உதடு சிகிச்சைக்கு பின் எவ்வளவு தூரம் முன்னேறி இருக்கின்றன? என்பதனை பலவகை தரவுகள் மூலம் அந்த கூட்டமைப்பு ஆராய்கிறது.

பிளவு உதடு மற்றும் பிளவு அண்ணம் கீழ்க்கண்ட நாடுகளில் கீழ்க்கண்ட விகிதத்தில் காணப்படுகிறது.

* பூர்வீக அமெரிக்கர்கள் - 3.74/1000

* ஜப்பானியர்கள் - 0.82/1000 முதல் 3.36/1000 வரை

* சீனர்கள் - 1. 45/1000 முதல் 4. 04/1000 வரை

* வெள்ளை அமெரிக்கர்கள் - 1. 43/ 1000 முதல் 1. 86/ 1000 வரை

* லத்தீன் அமெரிக்கர்கள் - 1.04/1000

* ஆப்பிரிக்கர்கள் - 0.18/1000 முதல் 1.67/1000 வரை

சில நாடுகளில் கருவில் இருக்கும் குழந்தைக்கு பிளவு உதடு, பிளவு அண்ணம் பாதிப்பு இருப்பது கண்டுபிடிக்கப்பட்டால் அக்கருவைக் கலைக்கச் சட்டப்பூர்வ அனுமதி தரப்படுகிறது.

நீரிழிவு நோயாளிகளுக்குத் தனியாக பற்பசை இருக்கிறதா? முத்து ஆனந்த். மலுமிச்சைப்பட்டி. மனிதனை மனிதன் கடிக்கும் போது, அது விசமாகிவிடும் என்கின்றார்களே, உண்மையா? அதற்கு என்ன சிகிச்சை பெற வேண்டும்? மருத்துவர்கள் ஆ. நிலாமகன் மற்றும் பஹிமா: மனிதர்கள் கடிப்பதில் பெரிய அளவிலான விசத்தன்மை எதுவுமில்லை, இருப்பினும் சில கடிகள் அபாயமானது. கடிபட்டதில் மேற்தோல் கிழித்திருந்தால் எலும்புகளில் தசை நாண்களில் மூட்டு இணைப்புகளில் நோய்த் தொற்று ஏற்படும் வாய்ப்பு அதிகம். கடிக் காயத்தை சோப்பு நீரால் அல்லது சலைன் மற்றும் பொவிடோன் அயோடின் வைத்துச் சுத்தம் செய்ய வேண்டும். இரத்தத்தை உலர்ந்த பருத்தித் துணியால் ஒற்றி எடுத்துத் தொடர்ந்து வராமல் நிறுத்த வேண்டும். ஒரு செமீ வரை ஆழமான அனைத்துக் கடிக் காயத்துக்கும் டிடி எனும் தடுப்பூசி போட்டுக் கொள்ள வேண்டும். மருத்துவர் பரிந்துரையின் பேரில் நோய் எதிர்ப்பு மருந்துகள் எடுத்துக் கொள்ளலாம். காயத்துக்கு வலி மருந்துகளைப் பயன்படுத்தலாம். வலி அதிகம் இருந்தால் மருத்துவர் வலி நிவாரணிகளையும் பரிந்துரைப்பார். கடிக் காயம் கழுத்திலோ முகத்திலோ தலையிலோ இருந்தால் மருத்துவரின் மேல் ஆலோசனை பெறுவது நல்லது. சில கடிக்காயங்களுக்குத் தையல்களோ அறுவை சிகிச்சையோக் கூடத் தேவைப்படலாம். மொத்தத்தில் கடிபடாத அளவுக்கு யாருடனும் சண்டை போடாமால் தவிர்க்கலாம்.

வெளிநாட்டு இலக்கியங்களில் பிளவு உதடு பிளவு அண்ணம் உள்ளோர் எதிர்மறையாகச் சித்தரிக்கப்பட்டு வந்துள்ளனர்.

இயன் பிளமிங்கின் ஜேம்ஸ்பான்ட் நாவலான கோல்ட் பிங்கரின் இரண்டாவ்து வில்லன் ஒட்ஜோப் ஒரு பிளவு உதடு ஆசாமி. ரெட் டிராகன் மற்றும் ஹன்னிபால் விடியோ விளையாட்டுகளில் பிளவு உதடு மனிதர்கள் கொடியவர்களாக சித்தரிக்கப்பட்டுள்ளனர்.

பிளவு பட்ட உதடுகள் மற்றும் அண்ணங்கள் பாதிப்பு அரிதாக கால்நடைகள் மற்றும் நாய்கள், ஆடுகள், செம்மறியாடுகள், பூனைகள், குதிரைகள், பாண்டாக்ககளிலும் காணப்படுகின்றன. கால்நடைகளில் பிளவுஉதடுகள் கீல்வாதத்துடன் இணைந்து காணப்படுகின்றன.

மூச்சுத் திணறல் நிமோனியா, மீளுருவாக்கம் மற்றும் ஊட்டசத்து குறைபாடு போன்றவை பிளவு உதடு பிரச்சனையுடன் ஒட்டிப் பிறந்தவை. பிளவு அண்ணத்துக்கு மீண்டும் மீண்டும் அறுவை சிகிச்சைகள் செய்வதால் அதிக அளவில் அறுவை சிகிச்சைத் தோல்விகள் ஏற்படுகின்றன. மொத்தத்தில் பிளவு உதடு மற்றும் பிளவு அண்ண பிரச்சனை பல் மருத்துவருடன் நேர்மறையாய் எதிர்மறையாய் தொடர்புடைய மருத்துவ பிரச்சனையாகும்.

பிளவு உதடுகள் பிளவு அண்ணத்தை அறுவை சிகிச்சை மூலம் சரி செய்யும் மருத்துவர்கள் வாய் தாடை முக அறுவையியல் நிபுணர்கள் (Oral and Mazillofacial Sugeon)என்கிற வகைமையில் அடங்குவர்.

பிளவு உதடுக் குழந்தைகளைச் சரி பண்ணி இவ்வுலகில் தன்னம்பிக்கை உள்ளவர்களாக வெற்றியாளர்களாக அழகிய தோற்றம் உள்ளவர்களாக மற்றும் வல்லமை கொண்டவர்கள் வாய் தாடை முக அறுவையியல் வல்லுநர்கள் எனலாம்.

(தொடரும்...)

*****

இது முத்துக்கமலம் இணைய இதழின் படைப்பு.