வாய், நாக்கு, உதடு பற்றி முன்பு பார்த்தோம். தற்போது நாம் வாய்க்குள் இருக்கும் உமிழ்நீர்ச் சுரப்பிகளைப் (Saliva Gland) பற்றித் தெரிந்து கொள்வோம்.

வாயில் மூன்று முக்கியமான உமிழ்நீர்ச் சுரப்பிகள் உள்ளன.

* உமிழ்நீர்ச் சுரப்பிகள் என்பது பாலூட்டிகளில் அமைந்த உமிழ் நீரைச் சுரக்கும் புறச் சுரப்பு நாளங்களாகும்.

* கன்ன உமிழ்நீர்ச் சுரப்பி (Parotid Gland) என்பது பெரிய ஜோடி தாடைகளுக்குப் பின்னால், காதுகளுக்குக் கீழே நேர் முன்னே இந்தச் சுரப்பிகள் அமைந்துள்ளன.

* கீழ் நாச் சுரப்பி (Sublingual Gland) என்பது நாக்குக்குப் பக்கவாட்டுக்குக் கீழே இந்தச் சுரப்பிகள் உள்ளன.

* கீழ்த் தாடைச் சுரப்பி (Submandibular Gland) என்பது தாடைக்குக் கீழே அமைந்துள்ளது.

ஒரு நாளைக்கு 0.5 லிருந்து 1.5 லிட்டர் வரை எச்சில் சுரக்கிறது. அதாவது, 0.3 முதல் 0.4 மில்லி வரை ஒவ்வொரு நிமிடத்துக்கும் சுரப்பு இருக்கும். தூங்கும் போது எச்சில் சுரப்பு வெகுவாகக் குறையும். தூங்கும் போது ஒரு நிமிடத்துக்கு 0.1 மில்லி எச்சில் சுரக்கிறது. சாப்பிடும் போதும் மெல்லும் போதும் ஒரு நிமிடத்துக்கு 4.0 முதல் 5.0 மில்லி எச்சில் சுரக்கிறது. படுக்கும் போது எச்சில் சுரப்பு குறைந்து, நிற்கும் போது கூடுகிறது. இருட்டில் எச்சில் சுரப்பு குறைந்து வெளிச்சத்தில் எச்சில் சுரப்பு கூடுகிறது.

பற்களுக்கான குறள்கள் * பற்கறை பற்காரை இவ்விரண்டும் மருத்துவரிடம் ஸ்கேலிங் செய்தால் நீங்கிவிடும். * அமிழ்தினும் ஆற்ற இனிதே தம்மக்கள் சிறுவாய் சிந்திய புன்னகை. - தேஜஸ் சுப்பு என்கிற கனலி

உமிழ்நீரில் 99 சதவீதம் நீர் ஒரு சதவீதம் கரிம மற்றும் கனிம பொருட்கள் அடங்கியுள்ளன. உமிழ்நீரில்,

* உயிர்ச்சத்து சி (Viyamin C)

* மாப்பசை வெல்லம் (Maltose)

* சிறுநீர் உப்பு (Urea)

* சிறுநீர் அமிலம் (Uric acid)

* வெண்புரதம் (Albumin)

* சளி (Mucin)

* கிரியோட்டினின் (Creatinine)

* அமினோ அமிலம் (Amino Acid)

* பாற்சீனி (Lactose)

* ஆண்மையூக்கிச் சுரப்பு வளரூக்கி (Testosetrone Harmone)

* அண்ணீரகப் புறணி (Cortisol)

* நோயெதிர்ப்புப் புரத வகை (Immunoglobulin)

* கரியமில வாயு (Carbon Dioxide)

ஆகிய கரிமப்பொருட்கள் இருக்கின்றன.


உமிழ்நீர்ச் சுரப்பியின் முக்கியச் செயல்பாடு உமிழ்நீர் உற்பத்தி ஆகும். உமிழ்நீர் உங்கள் வாய்வழி மற்றும் உடலின் மொத்த உடல் நலத்திலும் முக்கியப் பங்கு வகிக்கிறது.

உதாரணமாக, உமிழ்நீரானது;

* உங்கள் வாய் மற்றும் தொண்டைப்பகுதிக்கு உராய்வை நீக்கும் உய்வுப் பணிக்கு உதவுகிறது.

* உணவை ஈரமாக்கி அதை விழுங்குவதற்கு எளிதாக்குகிறது.

* அமிலேஸ் (Amylase) எனப்படும் மாவுச்சத்தைச் செரிமானம் செய்யும் நொதிநீர் (Enzyme) என்சைம் உணவில் உள்ள மாவுச்சத்தைச் செரிமானம் செய்திட உதவுகிறது.

* உங்கள் வாயைச் சுத்தமாக வைத்திருக்க உதவுகிறது.

* உங்கள் பற்சொத்தை மற்றும் ஈறு நோய் அபாயத்தைக் குறைக்க உதவுகிறது.

* உங்கள் வாயில் காரகாடித்தன்மைச் சுட்டெண் pH சமநிலையை பராமரிக்க உதவுகிறது.


உமிழ்நீர் என்றவுடன் அதனுடைய காரகாடித்தன்மைச் சுட்டெண் (pH Value) அறிந்து கொள்ள வேண்டும். மனிதனின் மனித உமிழ்நீரில் 6.2 முதல் 7.6 எனுமளவில் காரகாடித்தன்மைச் சுட்டெண் (pH Value) இருக்கிறது. மனிதர்களுக்கு சராசரியாக, காரகாடித்தன்மைச் சுட்டெண் (pH Value) 6.7 என்று இருக்கிறது. இதேப் போல் சில திரவப் பொருட்களின் காரகாடித்தன்மைச் சுட்டெண் (pH Value) குறித்தும் அறிந்து கொள்ளலாம்.

* பால் 6.5 முதல் 6.9 வரை

* இரத்தம் 7.37 முதல் 7.45 வரை

* சர்க்கரை 6.0 முதல் 7.0 வரை

* தயிர் 4.5 முதல் 5. 5 வரை

* எலுமிச்சை 2.0 முதல் 3.0 வரை

* கொக்ககோலா 2.6 முதல் 2.7 வரை

* நீர் 7.0 வரை

* மழை நீர் 5.0 முதல் 5.5 வரை

* வெங்காயம் 5.3 முதல் 5.9 வரை

என்று காரகாடித்தன்மைச் சுட்டெண் (pH Value) அளவைக் கொண்டிருக்கின்றன.

உணவோ, குளிர்பானங்களோ வாயின் உமிழ்நீரில் அமிலத்தன்மையைக் கூட்டுகின்றன. இதனால் பற்கள் சேதமடையும். நீரை விட நாரத்த அமிலம் (Citric Acid) 10000 லிருந்து 1 லட்சம் முறை வரை அமிலதன்மை கூடியது. இதனால் ஜோக்ரன் நோய்த்தொகை (Sjogren’s Syndrome), மியூகோஎபிடெர்மாயிடு கார்சினோமா (Mucoepidermoid Carcinoma), அடினாய்டு சிஸ்டிக் கார்சினோமா (Adenoid Cystic Carcinoma), பாலிமார்பஸ் அடினோகார்சிநோமா (Polymorphous Adenocarcinoma) போன்ற நோய்கள் வரக்கூடும்.


முதுகெலும்பு உள்ள விலங்குகளின் நாளமுள்ள சுரப்பிகள் (Exocrine Gland) பொருட்களை உற்பத்தி செய்து நாளங்கள் வழியாக எபிதீலியத்தின் மேற்பரப்பில் சுரக்கின்றன. வியர்வை, உமிழ் நீர், பால், காது குரும்பி, கண்ணீர், எண்ணெய் மற்றும் சளி ஆகியவை நாளமுள்ள சுரப்பிகளுக்கு எடுத்துக்காட்டுகள் ஆகும். மனித உடலில் உள்ள இரண்டு வகை சுரப்பிகளில் ஒன்று நாளமுள்ள சுரப்பிகள், மற்றொன்று நாளமில்லா சுரப்பிகள். நாளமில்லா சுரப்பிகள் தங்கள் சுரப்பை நேரடியாக இரத்த ஓட்டத்தில் சுரக்கின்றன.

உணவு உட்கொள்ளும் போது, ​​​​உணவு உங்கள் வாயிலிருந்து வெளியேறி, உங்கள் தொண்டைக்குக் கீழே, உங்கள் உணவுக்குழாய் வழியாகச் சென்று இறுதியில் உங்கள் வயிற்றுக்குச் செல்கிறது. உமிழ்நீர் இந்த முழு செயல்முறையையும் சாத்தியமாக்குகிறது.


உமிழ்நீர்ச் சுரப்பிகள் பற்றிய சில சுவையான உண்மைகளையும் அறிந்து கொள்வோம்.

* நீங்கள் வயது வந்தவராக இருந்தால், உங்கள் உமிழ்நீர் சுரப்பிகள் ஒவ்வொரு நாளும் ஒன்று முதல் இரண்டு லிட்டர் உமிழ்நீரை உற்பத்தி செய்கின்றன.

* ஒரு வருடத்திற்கு இந்த உமிழ் நீரைச் சேகரித்தால், அதில் ஒரு குளியல் தொட்டியை நிரப்பி விடலாம்.

* சராசரி வாழ்நாளில், உங்கள் உமிழ்நீர்ச் சுரப்பிகள் 23,000 லிட்டர் உமிழ் நீரை உற்பத்தி செய்யும்.

* உங்கள் உமிழ்நீரில் 99% நீர் உள்ளது. மீதமுள்ளவை புரதங்கள், நொதிநீர்கள், சளி மற்றும் இடையக முகவர்கள் ஆகியவற்றைக் கொண்டுள்ளது.

* ஒரு துளி உமிழ்நீரில் உங்கள் முழுமையான மரபணு ஒப்பனையின் மாதிரி உள்ளது.

* உமிழ்நீர் இல்லாமல், உங்கள் உணவை நீங்கள் சுவைக்க முடியாது. உங்கள் சுவை மொட்டுகள் வினைபுரியும் முன் உங்கள் உணவில் உள்ள மூலக்கூறுகள் உமிழ்நீரில் கரைந்து விட வேண்டும்.

* நீங்கள் தூக்கி எறிவதற்கு முன் உங்கள் உமிழ்நீர் சுரப்பிகள் அதிக நேரம் வேலை செய்கின்றன. உங்கள் வயிற்றில் அமிலத்தன்மை இருப்பதால், வாந்தி உண்மையில் உங்கள் தொண்டை, வாய் மற்றும் பற்களுக்கு தீங்கு விளைவிக்கும்.

* வயிற்று அமிலத்தை நீர்த்துப்போகச் செய்து நடுநிலையாக்குவதன் மூலம் உமிழ்நீர் இந்தப் பிரச்சனையை எதிர்க்கிறது.

உமிழ்நீர்ச் சுரப்பிகளைப் பாதிக்கும் பல நிபந்தனைகள் மற்றும் பிரச்சனைகள் உள்ளன, அவற்றுள்:

1. உமிழ்நீர்ச் சுரப்பிக் கற்கள்.

2. உமிழ்நீர்ச் சுரப்பி வீக்கம்.

3. உமிழ்நீர்ச் சுரப்பி தொற்று.

4. உமிழ்நீர்ச் சுரப்பி செயலிழப்பு.

5. உமிழ்நீர்ச் சுரப்பி கட்டிகள்.

போன்றவற்றைக் குறிப்பிடலாம்.

ஈறுகளில் இரத்தக்கசிவு - கேள்வி பதில் உஷ்னாரா பேகம், கோயம்புத்தூர் எனக்கு அடிக்கடி ஈறுகளில் இரத்தம் கசிந்து கொண்டே இருக்கிறது. இதற்கு என்ன காரணம்? இதனை எப்படிக் குணப்படுத்தலாம்? மருத்துவர்கள் ஆ. நிலாமகன் மற்றும் பஹிமா: ஈறுகளில் இரத்தக்கசிவு ஏற்படுவது ஆரோக்கியமற்ற அல்லது நோயுற்ற ஈறுகளின் அறிகுறியே. ஈறுகளில் இரத்தக்கசிவு ஏற்படுவதற்கு முன் ஈறுகள் சிவந்து வீங்கியிருக்கும். வாய் துர்நாற்றம், உணவை மெல்லும் போது வலி, பற்கள் ஈறை தள்ளிக்கொண்டு தெரிதல், பற்கூச்சம், ஈறில் சீழ்வடிதல், வாயில் உலோகச்சுவை போன்றவைகளும் இரத்தக்கசிவு வருவதற்கான அறிகுறிகளே. தவறான முறையில் பல்துலக்கல், ஈறுகள் பற்கள் சந்திக்கும் இடங்களில் பிளேக் உருவாதல், பிரசவக்கால ஹார்மோன் மாற்றம், வைட்டமின் சி மற்றும் கே குறைபாடு, இரத்தம் உறையாமலிருக்க எடுக்கப்படும் மாத்திரைகள், இரத்த வெள்ளையணு புற்றுநோய், நீரழிவுநோய், புகைப்பிடித்தல், எயிட்ஸ் நோய் போன்றவை ஈறுகளில் இரத்தம் கசிய காரணங்களாக அமைகின்றன. இரத்தப் பரிசோதனை செய்தல், எக்ஸ்ரே எடுத்தல், நுண்ணுயிர் கொல்லிகள் எடுத்துக் கொள்ளல், ஹைடிரஜன் பெராக்ஸைடு கொப்பளிப்பு, பல் தூய்மிப்பு, வைட்டமின் சேர்க்கை, ஆஸ்பிரின் மாத்திரை தவிர்ப்பு போன்றவை ஈறில் இரத்தக்கசிவை தடுக்கும். தகுதியுடைய பல் மருத்துவரைச் சந்தித்து, இதற்கான சிகிச்சை எடுத்துக் கொள்ளலாம். ஆறு மாதங்களுக்கு ஒரு முறை பல் மருத்துவரிடம் பரிசோதித்துக் கொள்வது நல்லது.

உமிழ்நீர் சுரப்பிக் கற்கள் உமிழ்நீரில் காணப்படும் உப்புகளில் இருந்து உருவாகின்றன. நீரிழப்பு அல்லது உலர் வாய் (Xerostomia) ஏற்படுத்தும் மருந்துகளை எடுத்துக் கொள்பவர்களுக்கே இது உருவாகும். இந்தக் கற்கள் உமிழ்நீர்ச் சுரப்பியைத் தடுக்கும். இது வலி மிகுந்ததாக இருக்கலாம், மேலும் இது வீக்கம் மற்றும் தொற்றுநோயை ஏற்படுத்தும்.

உமிழ்நீர்ச் சுரப்பி வீக்கம் என்பது உமிழ்நீர் சுரப்பி செயலிழப்பின் பொதுவான அறிகுறியாகும், இதில் உமிழ்நீர் உற்பத்தி குறைகிறது.


உமிழ்நீர் சுரப்பி தொற்றுக்கான மருத்துவச் சொல் உமிழ்நீர்க் குழாய் வீக்கம் (Sialadenitis) ஆகும். பெரும்பாலான உமிழ்நீர் சுரப்பி நோய்த் தொற்றுகள் தடுக்கப்பட்ட உமிழ்நீர்ச் சுரப்பிகள் அல்லது நாள்பட்ட உலர் வாய் ஆகியவற்றின் விளைவாகும். பசியின்மை உள்ளவர்கள் குறிப்பாக எளிதில் பாதிக்கப்படுகின்றனர்.

உமிழ்நீர் சுரப்பிச் செயலிழப்பு என்பது உங்கள் உமிழ்நீர் சுரப்பிகள் வேலை செய்யாத எந்தச் சூழ்நிலையையும் குறிக்கிறது. பெரும்பாலான வேளைகளில், உங்கள் உமிழ்நீர்ச் சுரப்பிகள் போதுமான உமிழ்நீரை உற்பத்தி செய்யவில்லை என்றே பொருள். பல காரணிகள் உமிழ்நீர் உற்பத்தி குறைவதற்கு வழிவகுக்கும். உலர்ந்த வாய் எனப்படும் நிலை இவற்றில் அடங்கும்:


உமிழ்நீர்ச் சுரப்பிக் கட்டிகள் என்பது தீங்கற்றவை (புற்றுநோய் அல்லாதவை), ஆனால் சில நேரங்களில், அவை தீங்குடையதாக (புற்றுநோய்) இருக்கலாம். உமிழ்நீர்ச் சுரப்பிக் கட்டிகளுக்கான சிகிச்சையானது பொதுவாக அதை அகற்றுவதை உள்ளடக்கியது. கட்டியானது புற்றுநோயாக இருந்தால், மேலதிகச் சிகிச்சையானது அடிக்கடி அவசியமாகிறது மற்றும் வேதிச்சிகிச்சை (Chemotherapy), ஊடுகதிர்ச் சிகிச்சை (Radiation Therapy), தடுப்பாற்றடக்கு மருத்துவம் (Immunotherapy) அல்லது இலக்கு மருந்து சிகிச்சை (Targeted Drug Therapy) ஆகியவை அடங்கும்.

பொதுவாக, உமிழ்நீர் சுரப்புக் குறைபாட்டால் பொன்னுக்கு வீங்கி, சளிக் காய்ச்சல் போன்றவை ஏற்படுகின்றன. வயோதிகர்களுக்கும், பிறந்து ஒரு வாரமே ஆன பச்சிளம் குழந்தைகளுக்கும் உமிழ்நீர் நாளத்தில் உமிழ்நீர்க் குழாய் வீக்கம் (Sialadenitis) எனும் பிரச்சனை ஏற்படுகிறது. இவற்றுக்கு மிக அதிகக் காய்ச்சல், கட்டி, சீழ் கோர்ப்பு போன்றவைகளே அறிகுறிகளாக இருக்கின்றன. கன்னச்சுரப்பியில் வீக்கம், எப்பிதைன் பாரின் வைரஸ் (Epstein-Barr Virus) தொற்று, சைட்டோமெலகோவைரஸ் (Cytomegalovirus) தொற்று, மனித நோய்எதிர்ப்புத்திறன் குறைக்கும் வைரஸ் (Human Immunodeficiency Virus) தொற்று, காக்ஸ்சாக்கீ வைரஸ் (Coxsackie Virus) தொற்று, காயங்கள், தீங்கு விளைவிக்கும் கட்டிகள் (புற்றுநோய்) மற்றும் தீங்கு தராத கட்டிகள், வடிவம் மாறும் சுரப்பி வடிவப் புற்றுக் கட்டி (Pleomorphic Adenoma Tumor), வார்தினின் கட்டி (Warthin's Tumor) போன்றவைகளும் ஏற்படுகின்றன.

உமிழ்நீர் சுரப்பி நிலைகளின் முதன்மை அறிகுறி வறண்ட வாய்தான். உங்களுக்கு வறண்ட வாய் இருந்தால், பல் மருத்துவரைச் சந்தித்துத் தேவையான சிகிச்சையினை மேற்கொள்ளுங்கள். உங்கள் வறண்ட வாய்க்குத் தாங்கள் சாப்பிடும் மருந்துகள் காரணமாக இருந்தால், உங்களுக்கு மருந்தைப் பரிந்துரைத்த மருத்துவரைச் சந்தியுங்கள். அவர் உங்கள் மருந்துகளை மாற்றலாம் அல்லது உங்கள் மருந்தின் அளவைக் குறைக்கலாம். உங்கள் வாயை உயவூட்டுவதற்கு உதவும் தயாரிப்புகளை அவர்கள் பரிந்துரைக்கலாம்.

(தொடரும்...)

*****

இது முத்துக்கமலம் இணைய இதழின் படைப்பு.