விடிய விடிய இராமாயணம் கேட்ட ஒருவனிடம், "சீதைக்கு ராமன் யார்?'' என்று கேள்வி கேட்டார் உபன்யாசகர்.

"சித்தப்பா” என்றாராம் அந்த நபர்.

வேதனையின் உச்சத்திற்கேப் போய்விட்டார் உபன்யாசகர்.

“இவ்வளவு நேரம் இராமாயணம் சொல்லியும் பலனில்லையே, இருந்தாலும், மற்றவர்கள் மனது புண்படும் அல்லவா” என்று நினைத்த அந்த உபன்யாசகர் நிலைமையை மாற்றிச் சமாளித்தார்.

"இவர் சொல்வது உங்களுக்கு புரியவில்லையா! "சித்தம்+அப்பா” என்று அவர் சொல்கிறார். "சித்தம்” என்றால் மனம். "அப்பா” என்றால் "தலைவன்'. “சீதையின் மனதிற்கு ராமன்தானே தலைவன்” என்றார்.


கூட்டத்தினரின் கைத்தட்டல் வாங்கி விட்டார்.

எந்த நல்ல விஷயத்தையும் கவனமாகக் கேட்க வேண்டும். கேட்டால் மட்டும் போதாது. அதை வாழ்வில் கடைபிடிக்கவும் வேண்டும்.

இது முத்துக்கமலம் இணைய இதழின் படைப்பு.