நாய், மயில், வௌ்ளாடு, ஆமை, ஆந்தை, செம்போத்து, பூனை, பல்லி, கருடன், காடை, காகம், குள்ளநரி, சாரை, நாரை ஆகியவை பற்றிய பழமொழிகளைக் காண்போம்.

* நாய் உதறினால் நல்ல சகுனம்

* நாய் ஊளையிட்டால் ஊர் நாசம்.

* வௌ்ளாளன் கால் வைத்த இடமும், வௌ்ளாடு கால் வைத்த இடமும் உருப்படாது.

* ஆமை புகுந்த வீடும் அமினா புகுந்த வீடும்.

* ஆமை புகுந்த வீடு உருப்படாது.

* ஆந்தை சிறியது கீச்சல் பெரியது.

* ஆந்தை விழிப்பது போல விழிக்கிறான்.

* ஆந்தை பஞ்சையாக இருந்தாலும் சகுனத்திற்குப் பஞ்சையில்லை.

* செம்போத்து வலமானால் சம்பத்து உண்டாகும்.

* செம்போத்து வலமானால் சம்பத்து உண்டு.

* மடியிலே பூனையைக் கட்டிக் கொண்டு சகுனம் பார்த்தாற் போல.

* சகுனம் பார்க்கையில் மடியில் பூனையைக் கட்டிக் கொண்ட மாதிரி.

* உச்சத்தில் பல்லி சொன்னால் அச்சம் இல்லை.

* கௌளி (பல்லி) ஊருக்கெல்லாம் பலன் சொல்லும். தான் மாத்திரம் தவறி கழுநீர்ப் பானையில் விழும்.

* கழுநீர்ப் பானையில் விழுந்த பல்லியைப் போல.

* கருடன் இடமானால் கையில் பொருள் சேரும். கருடன் இடமானால் எவர் கைப்பொருளும் தன் வசமாகும்.

* கருடன் இடமானால் எவன் கைப்பொருளும் தன் கையில் சேரும்.

* வெண்டலைக் கருடன் வந்திடுமானால் எவர் கைப்பொருளும் தன் பொருளாகும்.

* காடை இடமானால் நாட்டை ஆளலாம்.

* காட்டுக் காடை இடமானால் குட்டிச் சுவரும் பொன்னாகும்.

* காடை கத்தினால் பாடை கட்ட வரும்.

* காகம் இடமானால் ஆயுள் விருத்தியாகும்.

* காகம் வலமானால் ஆயுசு விருத்தியாகும்.

* ஒரு ஆட்டுக்குட்டியை நக்குவதைப் பார்ப்பது ஒரு தீங்கின் அடையாளம் - ஆங்கிலப் பழமொழி.

* நரி வலம் வந்தால் என்ன, இடம் வந்தால் என்ன, நம் மீது விழுந்து பிடுங்காது இருந்தால் போதும்.

* நரி இடமானால் என்ன, வலம் போனால் என்ன் மேலே விழுந்து கடிக்காமல் போனால் சரி.

* நரிமுகத்தில் விழித்தால் நன்மைகள் நடக்கும்.

* நரியின் கலியாணத்தில் எவன் கைப்பொருளும் தன் கையிற் சேரும்.

* சாரையைத் தின்னும் ஊருக்குப் போனால் நடுக்கண்டம்.

* விளைவது கட்டைக்காரனுக்கு நாரை வலமானால் ஒரு பணம், விற்கிறது ஒன்றே கால் பணம் விற்கும்.

* விறகு வெட்டியும், நாரையும் வலமானால் நல்ல இலாபம். இவ்விதம் பழமொழிகள் குறிப்பிடப்பெற்றுள்ளன.

*****

இது முத்துக்கமலம் இணைய இதழின் படைப்பு.