கல்வி பற்றிய பொன்மொழிகள்
கல்வியறிவு பெற்றவராக இருப்பதே ஒரு புரட்சியாளரின் முதற் கடமை.
- சே குவேரா
கல்வி இல்லாத மேதை சுரங்கத்தில் உள்ள வெள்ளி போன்றவர்.
- பெஞ்சமின் பிராங்க்ளின்
அறிவு எப்பொழுதும் அறியாமையை ஆளும்.
- ஜேம்ஸ் மேடிசன்
எனது மாணவர்களுக்கு நான் ஒருபோதும் கற்பிப்பதில்லை, அவர்கள் கற்றுக்கொள்ளக்கூடிய சூழ்நிலைகளை ஏற்படுத்த மட்டுமே முயற்சிக்கிறேன்.
- ஆல்பர்ட் ஐன்ஸ்டீன்
ஆசிரியர்கள் கதவைத் திறக்கிறார்கள், ஆனால் நீங்கள்தான் உள்ளே செல்ல வேண்டும்.
- சீனப் பழமொழி
நீங்கள் நாளையே இறந்து விடுவீர்கள் என்பது போல வாழுங்கள். நீங்கள் என்றென்றும் வாழ்வீர்கள் என்பது போல கற்றுக் கொள்ளுங்கள்.
- மகாத்மா காந்தி
அறிவில் முதலீடு செய்வது சிறந்த வட்டியைக் கொடுக்கும்.
- பெஞ்சமின் பிராங்க்ளின்
தோல்வியில் இருந்தே கற்றல் தொடங்குகிறது, முதல் தோல்வியே கல்வியின் ஆரம்பம்.
- ஜான் ஹெர்சி
கல்வி இல்லாத குழந்தை சிறகு இல்லாத பறவை போன்றது.
- திபெத்திய பழமொழி
கற்றறிந்தவர்களாக இருப்பது மட்டுமல்ல, நல்லொழுக்கத்துடன் இருப்பதும் மிகவும் முக்கியமானது.
- ஜார்ஜ் வாஷிங்டன்
பத்துப் புத்தகங்களைப் படித்ததால் மட்டுமே நீங்கள் படித்தவர்கள் இல்லை.
- சாய் பாபா
கல்விக்கு முடிவே இல்லை. ஒரு புத்தகத்தைப் படித்து, தேர்வில் தேர்ச்சி பெற்று, முடிப்பதல்ல கல்வி. நீங்கள் பிறந்தது முதல் இறக்கும் வரை, முழு வாழ்க்கையும், ஒரு கற்றல் செயல்முறையே.
- ஜிட்டு கிருஷ்ணமூர்த்தி
ஒரு மனிதன் தனக்கு ஏற்கனவே தெரியும் என்று நினைப்பதைக் கற்றுக்கொள்வது சாத்தியமற்றது.
- எபிக்டெட்டஸ்
ஒருவர் பள்ளியில் படித்ததை மறந்த பிறகு எஞ்சியிருப்பதே கல்வி.
- ஆல்பர்ட் ஐன்ஸ்டீன்
கல்வி என்பது இருளில் இருந்து ஒளியை நோக்கி நகர்வது.
- ஆலன் ப்ளூம்
கல்வியே சுதந்திரத்தின் தங்கக் கதவைத் திறப்பதற்கான சாவியாகும்.
- ஜார்ஜ் வாஷிங்டன் கார்வர்
கல்வியானது படிக்கத் தெரிந்த, ஆனால் படிக்கத் தகுந்தவற்றை வேறுபடுத்திப் பார்க்க முடியாத ஒரு பரந்த மக்களை உருவாக்கியுள்ளது.
- ஜி. எம். ட்ரெவெலியன்
படித்ததைப் பிரதிபலிக்காமல் படித்துக் கொண்டே இருப்பது, ஜீரணிக்காமல் சாப்பிட்டுக் கொண்டே இருப்பதைப் போன்றது.
- எட்மண்ட் பர்க்
கல்வியின் உயர்ந்த நோக்கம் அறிவு அல்ல செயல்.
- ஹெர்பர்ட் ஸ்பென்சர்
கல்வியின் நோக்கம் வெறுமையான மனதைத் திறந்த மனதாக மாற்றுவதாகும்.
- மால்கம் ஃபோர்ப்ஸ்
எல்லாப் பதில்களையும் தெரிந்து கொள்வதை விட, சில கேள்விகளை தெரிந்து கொள்வது சிறந்தது.
- ஜேம்ஸ் தர்பர்
கல்வியின் வேர்கள் கசப்பானவை, ஆனால் அதன் பழங்கள் இனிப்பானவை.
- அரிஸ்டாட்டில்
இந்த உலகை மாற்றுவதற்கு உங்களால் பயன்படுத்தக்கூடிய மிகவும் சக்திவாய்ந்த ஆயுதம் கல்வி.
- நெல்சன் மண்டேலா
தகவல் ஒரு அறிவு அல்ல. அறிவின் ஒரே மூலம் அனுபவம் மட்டுமே. ஞானத்தை அடைய உங்களுக்கு அனுபவம் தேவை.
- ஆல்பர்ட் ஐன்ஸ்டீன்
அறிவை விட கற்பனை முக்கியமானது. அறிவுக்கு எல்லை உண்டு. கற்பனை உலகைச் சுற்றி வருகிறது.
- ஆல்பர்ட் ஐன்ஸ்டீன்
கற்றலைப் பற்றிய அழகான விடயம் என்னவென்றால், அதை உங்களிடமிருந்து யாராலும் பறிக்க முடியாது.
- பி.பி. கிங்
கல்வியே சிறந்த நண்பன். கற்றவர் எல்லா இடங்களிலும் மதிக்கப்படுகிறார். கல்வி அழகையும் இளமையையும் வெல்லும்.
- சாணக்யா
கல்வியின் நோக்கம் மாணவர்களின் மனதை உண்மைகளால் நிரப்புவது அல்ல. அவர்களுக்கு சிந்திக்கக் கற்றுக் கொடுப்பதே என்பதை நினைவில் கொள்ள வேண்டும்.
- ராபர்ட் மேனார்ட் ஹட்சின்ஸ்
ஒரு பள்ளிக்கூடத்தின் கதவைத் திறப்பவன், ஒரு சிறைச்சாலையை மூடுகிறான்.
- விக்டர் ஹ்யூகோ
ஒரு தேசத்தின் முதன்மையான நம்பிக்கை அதன் இளைஞர்களின் சரியான கல்வியில் உள்ளது.
- டிசிடெரியஸ் எராஸ்மஸ்
நல்ல கல்வியின் மூலம் தான் உலகில் உள்ள அனைத்து நன்மைகளும் உருவாகின்றன.
- இம்மானுவேல் கான்ட்
அறிவை ஞானமாக மாற்றி, ஞானம் குணத்தில் வெளிப்பட்டாலன்றி, கல்வி என்பது ஒரு வீணான செயலாகும்.
- சாய் பாபா
நல்ல நடத்தையே கல்வியறிவு பெற்றவரின் அடையாளம்.
- சாய் பாபா
கல்வி என்பது ஒரு செலவு அல்ல. அது ஒரு முதலீடு என்று நாங்கள் நம்புகிறோம்.
- லிண்டன் பெய்ன்ஸ் ஜான்சன்
இந்த உலகைத் திறப்பதற்கான சாவி கல்வி, சுதந்திரத்திற்கான கடவுச்சீட்டு கல்வி.
- ஓப்ரா வின்ஃப்ரே
கல்வி என்பது ஒரு ஆயுதம், அதன் விளைவு அதைப் பிரயோகிக்கும் கைகளால் தீர்மானிக்கப்படுகிறது.
- ஜோசப் ஸ்டாலின்
சிலர் கல்லூரிக்குச் செல்லாமலேயே கல்வி கற்கிறார்கள். மற்றவர்கள் கல்லூரியை விட்டு வெளியே வந்த பிறகுதான் கல்வி கற்பார்கள்.
- மார்க் ட்வைன்
கற்றலை நிறுத்தும் எவரும், இருபது அல்லது எண்பது வயதினராக இருந்தாலும் வயதானவரே. கற்றலைத் தொடரும் எவரும் இளமையாக இருப்பார்கள். வாழ்க்கையில் மிகப் பெரிய விஷயம் உங்கள் மனதை இளமையாக வைத்திருப்பதுதான்.
- ஹென்றி ஃபோர்ட்
ஒரு மனிதனின் உண்மையான கல்வி அவன் பள்ளியை விட்டு வெளியேறிய பிறகேத் தொடங்குகிறது. உண்மையான கல்வி ஒழுக்கமான வாழ்க்கையின் மூலம் பெறப்படுகிறது.
- ஹென்றி ஃபோர்ட்
தங்களின் தெரிவைப் புத்திசாலித்தனமாகத் தேர்வு செய்யத் தயாராக இல்லாவிட்டால் ஜனநாயகம் வெற்றிபெறாது. எனவே ஜனநாயகத்தின் உண்மையான பாதுகாப்பு அரண் கல்வி.
- பிராங்க்ளின் டி. ரூஸ்வெல்ட்
கல்வி இல்லாத பகுத்தறிவு, பகுத்தறிவு இல்லாத கல்வியை விடச் சிறந்தது.
- பெஞ்சமின் பிராங்க்ளின்
கற்றுக் கொண்டே இருக்கும் வரை உங்களால் இளமையாக இருக்க முடியும்.
- எமிலி டிக்கின்சன்
குடிமக்கள் கல்வியறிவு பெறாதவரை, எந்தவொரு நாடும் உண்மையில் அபிவிருத்தியடைய முடியாது.
- நெல்சன் மண்டேலா
வாசித்தல் மற்றும் மேலும் மேலும் அதிக அறிவைப் பெறுதலை விட சிறந்தது எதுவும் இல்லை.
- ஸ்டீபன் ஹாக்கிங்
தொகுப்பு:- பா. காருண்யா, மதுரை.
*****
இது முத்துக்கமலம் இணைய இதழின் படைப்பு.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
