சிவன் செயல்கள் படைத்தல், காத்தல், அழித்தல், மறைத்தல், அருளல் என்னும் ஐந்தாகும்.

ஜீவன் செயல்களோ பதினான்கு. அவை:

1. காமம் – இச்சை; தனம், பொருள் முதலியனவற்றை மேன்மேலும் தேடுதல்

2. குரோதம் - சினம்; பூசல்

3. உலோபம் - ஈயாமை, கொடுக்காமை

4. மோகம் - தான் தேடிய பொருள்மீது அதிக விருப்பம்

5. மதம் - செருக்கு

6. மாத்சர்யம் - பொறாமை

7. இடும்பை - அவமதிப்பு; உதாசீனம்

8. வேட்கை - பல வகையான தீவிர ஆசை

9. ஈரிடை - நமக்குண்டான துன்பம் பிறருக்கும் வர வேண்டும் என்னும் ஒருவகைப் பொறாமை

10. தர்ப்பம் - தற்புகழ்ச்சி


11. ராகம் - பிறர் மனை மோகம்

12. துவேஷம் - பிறர் செய்த தீமை கருதி அது போன்றதை அவருக்குத் தானும் செய்யும் ஒரு தன்மை

13. இடம்பம் - ஆடம்பரமாகத் தானம் கொடுத்தல்

14. அகங்காரம் - நான் என்று எழும் அகந்தை.

இந்தப் பதினான்கும் சிவன் படைக்கவில்லை. ஜீவனே படைத்துக் கொண்டவை. இவை ஒழிந்தால் பிறப்பும் இறப்பும் ஒழியும் என்கிறார் பாம்பன் சுவாமிகள்.