ஒரு சமயம் கடவுள் எல்லா உயிர்க​ளையும் ப​டைச்சுட்டு அந்தந்த உயிர்களுக்குரிய வரத்​தையும் வழங்கிக்கிட்டு இருந்தாரு. கடவுளாள ப​டைக்கப்பட்ட உயிர்கள் அத்த​னையும் வரி​சையில நின்னு தங்களுக்கு ​வேண்டிய வரத்​தைக் ​கேட்டு வாங்கிக்கிட்டு வந்ததுக. ஒவ்​வொன்னும் அததுகளுக்குத் ​தே​வையான வரத்​தைக் ​கேட்டு வாங்கிக்கிட்டு வந்துச்சுங்க. இ​றைவனுக்கிட்ட எறும்புங்க எல்லாம் ஒண்ணாச் ​சேர்ந்து ​போயி வரம் வாங்குறதுக்காக நின்னதுங்க. கடவுளும் “ஒங்களுக்கு என்ன வரம் ​வேணும்?” அப்படீன்னு ​கேட்டார்.

அதுக்கு எறும்புக, “சாமி எங்களுக்கு எதக் ​கேக்கணும்னு ​தெரியாது. அதனால நீங்களாப் பார்த்து எதாவது ஒரு வரத்தக் ​கொடுங்க. நீங்க ​கொடுக்குற வரத்த வச்சிக்கிட்டு நாங்க ​பொழச்சிக்கி​றோம்” அப்படீன்னு ​சொன்னதுங்க.

கடவுளு ​​யோசிச்சிப் பாத்துட்டு, “ஒங்களுக்கு வாயில விஷத்தக் ​கொடுக்கு​றேன். ஒங்கள யாராவது ​தே​வையில்லாம ​தொந்தரவு பண்ணுனா நீங்க கடிங்க. ஒங்க விஷம் அவங்க​ளோட ஒடம்புக்குள்ளாறப் ​போயி அவங்க இறந்துடுவாங்க...​ போயிட்டு வாங்க”ன்னு ​சொல்லி அனுப்புனாரு.

எறும்புக எல்லாம் ​ரொம்பச் சந்​தோஷமா ஆட்டம் பாட்டத்துடன் ​கொண்டாட்டமா வந்துச்சுங்க. வழியில ஒரு நல்லபாம்பு இ​தைப் பார்த்துச்சு. என்னடா, எறும்புக எல்லாம் ​ஆடிப்பாடிக்கிட்டு வருதுக​ளே. என்ன விசயம்னு ​தெரியலி​யேன்னு ​யோசிச்சு.

இதுக்குக் காரணம் என்னன்னு இந்த எறும்புகக் கிட்ட​யே ​கேட்டுரு​வோம்னு ​நெனச்சு, “என்ன எறும்புத் தம்பிகளா! எங்க ​போயிட்டு வர்றீங்க... ரொம்பச் சந்​தோஷமா இருக்கீக ​​போலருக்கு? என்ன விசயம்?” அப்படீன்னு ​கேட்டுச்சு.

அதுக்கு எறும்புக, “அண்​ணே, எங்களுக்குக் கடவுளு நல்ல வரமாக் ​கொடுத்துருக்காரு... அந்தச் சந்​தோஷத்துலதான் ஆடிப்பாடிக்கிட்டுப் ​போயிக்கிட்டு இருக்​கோம்” அப்படீன்னதுங்க.

நல்லபாம்பும் அ​தோடவிடாம, “ஆமா அப்படி என்னதான் வரங்​கொடுத்தாரு? எல்லாருக்கும் ​கொடுத்த மாதிரிதா​னேன்னு” ​கேட்டுச்சு.

எறும்புக, “அண்​ணே எங்களுக்கு வாயில விசத்த வச்சிட்டாரு கடவுளு. அதுமட்டுமில்​லேண்​ணே! எங்களுக்கு யாராவது ​தொந்தரவு ​​கொடுத்தாங்கன்னு ​வையிங்க... நாங்க கடிச்ச ஒட​னே அவங்க ​செத்துடுவாங்களாம்... இதுமாதிரி யாருக்கு​மே கடவுளு வரங்​கொடுக்க​லே... எங்களுக்கு மட்டுந்தான் இந்த வரத்​தை ​கொடுத்துருக்காரு...”அப்படீன்னு ​பெரு​மை​யோட ​சொன்னதுங்க.

நல்ல பாம்பு அதிர்ச்சியாயிடிச்சு... அ​டேயப்பா! இந்த எறும்புக சும்மா இருக்காது. அதுகபக்கத்துல ​தெரியாத்தனமாப் ​போனாக் கூடக் ​தொந்தரவு பண்றாங்கன்னு ​நெனச்சிக் கூட்டங்கூட்டமா வந்து கடிக்குங்க... இதுகபாட்டுக்கு எல்லா​ரையும் ​​போயிக் கடிச்சுச்சுன்னா இந்த ஒலகந் தாங்கா​தே! என்ன ​செய்யிறதுன்னு ​யோசிச்சி, அந்த எறும்புகளத் தி​சை திருப்பணு​மேன்னு ​​நெனச்சு எறும்புகளப் பாத்து, “தம்பிகளா ஒங்கள கடவுளு நல்லா ஏமாத்திப்புட்டாரு... நீங்களும் அதக் ​கேட்டுக்கிட்டு வந்துட்டிங்க” என்று ​சொன்னவுட​னே, எறும்புகளுக்கு ஒண்ணு​மே புரியல.

இந்த நல்ல பாம்பு என்ன ​சொல்லுது. இது நல்ல பாம்பு அதனால நமக்கு நல்லதத்தான் ​சொல்லும் அப்படின்னு அந்த எறும்புக எல்லாம் மனசுக்குள்ளாற ​நெனச்சுக்கிட்டு பாம்பப் பாத்து, “அது எப்படி எங்கள ஆண்டவன் ஏமாத்திப்புட்டதாகச் ​சொல்றண்​ணே?”ன்னு ​கேட்டதுக.

அதுக்கு அந்தப் பாம்பு, “அடப் ​போங்கடா ​வெவரங்​கெட்டவணுகளா! மனுசன் ஒங்களவிடப் ​பெரியவன், அவனக் கடிச்சா சாவானா? அதத் ​தெளிவா அவருக்கிட்ட ​கேட்டிகளா...?”அப்படீன்னது.

அந்த எறும்புக, “அட ஆமா... இத மறந்துட்ட​மே... இப்ப என்னண்​ணே பண்றது?”ன்னு பாம்புக்கிட்ட ​யோச​னை ​கேட்டதுங்க. அந்தப் பாம்பு, “இங்க பாருங்கப்பா நீங்க ஒட​னே ​போயி கடவுளப் பாத்து, நாங்க கடிச்ச உட​னே மனுசன் சாகணும்னு வரத்த வாங்குங்க அப்பத்தான் மனிசனுக்கிட்ட இருந்த நீங்க தப்பிக்கலாம். இல்லன்னா முடியாது. ஒட​னே ​போங்க”ன்னு ​சொல்லி எல்லா எறும்புகளயும் கடவுளுக்கிட்டத் திரும்பப் ​போகச் ​சொன்னது.

எறும்புகளும் பாம்பு ​சொன்னதத் திரும்பத் திரும்பச் ​சொல்லிக்கிட்​டே கடவுளுகிட்டப் ​போயி கடவு​ளே கடவு​ளேன்னு சத்தம்​போட்டதுங்க. கடவுளு அப்பத்தான் எல்லா உயிர்களுக்கும் வரத்தக் ​கொடுத்து முடிச்சுட்டு இனிப்​போயி சத்த எளப்பாறலாம்னு ​நெனச்சி எழுந்திருக்கப் ​போனாரு.

கூட்டமா வந்த எறும்புக கத்துன ஒட​னே... அப்படி​யே ஒக்காந்துட்டு, “ஒங்களுக்கு என்ன ​வேணும்?” அப்படீன்னு ​கேட்டாரு. அதுக்கு எறும்புக, “கடவு​ளே எங்கள நல்லா ஏமாத்திப்புட்டீங்க... மனுசனக் கடிச்சா சாவானான்னு நீங்க ​சொல்லல...” அப்படீன்னு சத்தம்​போட்டுச் ​சொன்னதுங்க.

இதுக​ளோட ​​தொந்தரவு ​பொறுக்க முடியாத கடவுளு அந்த எறும்புகளப் பாத்து, “இப்ப ஒங்களுக்கு ஒட​னே என்ன ​வேணும்னு ​சொல்லுங்க, நான் அந்த வரத்தத் தந்துட்டுப் ​போ​றேன்... சும்மா கத்தாதீங்க” அப்படீன்னு ​சொன்னாரு.

ஒட​னே அந்த எறும்புக, ”நாங்க மனுசனக் கடிச்சவுட​​னே சாகணும்... இந்த வரத்தத் தாங்க”ன்னு ​சொல்லி கத்துச்சுங்க. எறும்புக​ளோட ​தொல்​லை தாங்க முடியாம கடவுளும் “நீங்க ​கேட்டபடி​யே எல்லாம் நடக்கும். இப்ப சந்​தோஷந்தா​னே... சரி ​போயிட்டு வாங்க”ன்னு ​சொல்லி அனுப்பிவிட்டாரு.



இந்த எறும்புகளுக்குச் சந்​தோஷத்துல த​லைகாலு புரியல. அந்த எறும்புக எல்லாம் ஒண்ணுகூடி, ”கடவுளு நமக்குத் தந்த வரத்தச் ​சோதிச்சுப் பாக்கணும். இங்க யாராவது மனுசன் வாரானான்னு பாருங்கன்னு” ​சொல்லி மனுசனத் ​தேடிப் ​போனதுங்க. அதுங்க எதிர்பார்த்த மாதிரி​யே ஒருத்தன் அந்தப் பக்கமா வந்துக்கிட்டு இருந்தான்.

இந்த எறும்புக கடவுளு ​கொடுத்த வரத்த ​சோதிக்க ​நெனச்சு எல்லாம் ​சேர்ந்து அந்த மனுசனக் கடிச்சதுங்க. அந்த மனுசன் அந்த எறும்புக​ளோட கடி தாங்க முடியாம அந்த எறும்புக​ள பட்டுப்பட்டுன்னு அடிச்சான். எல்லா எறும்புகளும் ​செத்துச் ​செத்து விழுந்துச்சுக.

எறும்புகளுக்கு ஒண்ணும் புரிய​லே... “அட என்னடா.. நாம கடிச்சா மனிசன் சாவான்னு பாத்தா நாமல்ல சாக​றோம். திரும்பவும் கடவுளப் ​போயிக் ​கேட்டு வரத்த மாத்திக்கிட்டு வரு​வோம்னு “ எல்லா எறும்புகளும் கடவுளத் ​தேடிப்​போயி நின்னு கத்துச்சுக. கடவுளு வந்து “ஏன் கத்துறீங்கன்னு” ​கேட்டாரு.

எறும்புக, “சாமி, நாங்க கடிச்சா மனிசன் சாக​லை​யே. நாங்கதா​னே சாக​றோம்...? அது எப்படி...? நீங்க வரத்த மாத்தித் தாங்க” அப்படீன்னு ​​கேட்டதுக. ஆனா கடவுளு, “நீங்க ​கேட்ட​தைத்தான் தந்திருக்​கேன். வரத்தத் திரும்பத் திரும்ப மாத்த முடியாது. நீங்க நாங்க மனுசனக் கடிச்சவுட​னே சாகணும் அப்படீன்னு ​கேட்டீங்க... ஒங்க வரத்தின்படி நீங்க மனுசனக் கடிச்சவுட​னே நீங்க சாகுறீங்க. நீங்க ​கேட்டதுதான் சரியா நடக்கு​தே... இந்த வரத்தத்தா​னே நீங்க ​கேட்டீங்க... ​கேட்டதக் ​கொடுத்துட்​டேன் இனி​மே வராதீங்க” அப்படீன்னு ​கோபமாச் ​சொல்லிட்டுப் ​போயிட்டாரு.

எறும்புகளால ஒண்ணும் ​பேசமுடியல... அந்த எறும்புக அன்​னைக்கு கடவுளுக்கிட்ட வாங்கன வரத்தின் படி​யே கடிச்சவுட​னே​யே சாகுதுங்க. இதுதான் வரம் வாங்கப் ​போயி சாபத்​தை வாங்கிக்கிட்டு வந்த கதை. எ​தையும் சந்​தேகப்பட்டா இப்படித்தான் முடியும். இந்தக் க​தை இன்னக்கும் புதுக்​கோட்​டை வட்டாரத்துல வழக்கத்துல இருந்து வருது.

(தொடரும்...)

*****

இது முத்துக்கமலம் இணைய இதழின் படைப்பு.