பரிசும் சான்றிதழும் வாங்கும் தருணம்
கவிஞர்கள் வாழ்வில் வசந்த விடியல்

தலைப்பிற்கேற்ற கவிதையும் கவிஞரும் வந்திருந்தால்
தேனித் தமிழ்ச் சங்கக் கவியரங்கத்திற்கு வசந்த விடியல்

காய்ந்து கிடக்கும் பூமிக்கு
மழை நீர் வசந்த விடியல்

வீட்டுக்கொருவருக்கு அரசு வேலை அமைந்தால்
அக்குடும்பத்திற்கு வசந்த விடியல்

மதுவிலக்கை உடனடியாகக் கொண்டு வந்தால்
மகளிருக்கு வசந்த விடியல்

காத்திருக்கும் காதலனுக்குப் பரிசோடு வரும்
காதலியின் வரவு வசந்த விடியல்

விவசாய விளைபொருட்களுக்கு நல்ல விலை கிடைத்தால்

விவசாயிகளுக்கு வசந்த விடியல்

ஏற்றமிகு அரசு விருது கிடைத்தால்
எழுத்தாளருக்கு வசந்த விடியல்

ஒவ்வொருவருக்கும் தேவையானது கிடைத்தால்
அவர்களுக்கு அது வசந்த விடியல்

எல்லோருக்கும் எல்லாமும் கிடைக்கும் நாளே
அனைவருக்கும் வசந்த விடியல்

இது முத்துக்கமலம் இணைய இதழின் படைப்பு.