சிறிய கைக்குட்டையைச்
சட்டைப்பையில் வைப்பது
தூய்மையின் நாகரீகம்

கூளைசாறும் கண்ணை கழுவாது
அஞ்சனம் தீட்டி அலைவது
அழகின் நாகரீகம்

கமக்கட்டுக் கழுவாது
சென்டடித்துத் திரிவது
வாசனை நாகரீகம்

கழுவுதல் மறந்து
மேலும் கீழும் துடைப்பது
சுத்தத்தின் நாகரீகம்

குறுக்குக்கட்டுடன்
குளிக்கப்போனவள்
மறந்துபோய்
அப்படியே பாட்டிக்குப்போவது
பாட்டி நாகரீகம்.

மேலாடை மறந்து
பெண்கள்
அப்படியே வேலைக்குப்போவது

ஆட்டக்கார ஆடை நாகரீகம் உடை தைக்கப் பஞ்சில்
தலைகணியுறையை
உடுத்துப் போவது
பள்ளியறை நாகரீகம்

ஒட்டுத்துணியுடன் ஓரங்காட்டி
இடக்கு மிடக்காய் நடப்பது
பணமிடுக்கு நாகரீகம்
கடும் குளிரிலும்
கழுத்துச் சங்கிலி காட்டுவது
பொருளாதார நாகரீகம்

பள்ளியறைக் காட்சிகளைப்
பட்டப்பகலில் காட்டுவதும்
அந்தரங்க லீலைகளை
அரங்கத்தில் ஏற்றுவதும்
காமனின் நாகரீகம்

சிலிக்கோன் பிதுங்கிப்பிரள
பால்குடம் பார்த்து
பாலகன் அழுவது
மார்பியல் நாகரீகம்

அறிவி(ய)ல் வளர்ந்தது
அறும் வழியே தெரிந்தது...

இது முத்துக்கமலம் இணைய இதழின் படைப்பு.