​ஓடித்திரியும் சிறிய வயதில்
பார்ப்ப​தெல்லாம் பயமுறுத்தின...
விவரம் புரியா நி​லையில்
விளங்காதவற்​றைக் கண்டு பயம்
விவரம் புரியும்வரை –
பெற்றோர், சாமி,
பேய் பிசாசுக்கும்
காத்துக் கருப்பிற்கும் பயம்...
சற்​றே நின்று ​யோசிக்கத் ​தெரிந்து
வாழ்க்​கையில் விவரம் ​கொஞ்சம்
புரிந்தபின் -
​தேர்வுக்கும் மதிப்பெண்ணுக்கும்
​சொல்ல முடியா பயம்...
படித்து முடித்து பட்டம் ​பெற்றபின்
இட ஒதுக்கீட்டுக்கும்,
ஓடும் வயதுக்கும், வேலை வாய்ப்புக்கும்
பயந்து பயந்து ஓடியது வாழ்க்​கை...
அ​னைத்தும் வாய்த்த பின்-
வாழ்க்​கை என்ற நாடக ​மே​டையில்
கிடைத்த வேடங்களுக்கும்,
நடித்த வேடங்களுக்கும்
ஒவ்​வொரு நாளும் பயந்து
பயந்து பயந்​தே வாழ்க்​கை
என்றும் ஓட்டமாய் ஓடியது...
அ​னைத்​தையும் துரத்தி
துரத்தித் துரத்தி எல்லாம்
ஓய்ந்த பின் -
ஓய்விற்குப் பின்னர் இருக்கும்
வாழ்க்​கை​யை ​நோக்க ​நோக்க
வயிற்றுக்குள் பயம் புளி​யைக் க​ரைத்தது...
உடம்பில் இரத்தம் சுண்டிய பின்னர்
அ​னைத்திற்கும் ஒருவ​ரை அண்டி நிற்கும்
நி​லையில் ஆதரிக்கும் மக்க​ளைப்
பார்த்துப் பார்த்துப் பயமும் வந்தது...!
மக்களிடம் உள்ள பயமும் ​தெளிந்தபின்
எப்​போது வரும்...?
எப்படி வரும்? எந்நி​லையில் வரும்?
எந்நி​லையில் இருக்கும்?
இரவிலா? பகலிலா? என்று
நி​னைத்து நி​னைத்து
உள்ளம் நடுங்கி உயிரும் நடுங்கி
வரப்போகும் மரணத்​தைக் கண்டு
நா​ளெல்லாம் பயம்...
வாழ்வில் ​செய்த நன்​மைக்கும் தீ​மைக்கும்
மரண வாயிலில் நின்று ​கொண்டு
கணக்குப் பதிவேட்​டைப் பார்த்துக் ​கொண்டு
கணக்​கைப் பார்த்துத்
தண்ட​னை வழங்கக்
காத்திருக்கும் கடவு​ளை
நி​னைத்து நி​னைத்துப்
பயந்து பயந்தே முடிந்துபோனது - இந்தப்
பாழாய்ப் ​போன
பயந்தாங் ​கொள்ளி வாழ்க்​கை...!
பிறப்புத் ​தேதி ​தெரிவது ​போன்று
இறப்புத் ​தேதியும் ​தெரிந்து விட்டால்
இத்த​னை ஆட்டமும் இப்படி நடக்குமா?
இத்த​னை ​கொள்​ளையும் நாளும் நடக்குமா?
மனித​னை மனிதன் சுரண்டும் வாழ்க்​கை
மடிந்​தே மனிதம் வாழும் அன்​றோ?
பயந்த மனிதன் பக்குவம​டைகிறான்...
தவறிலிருந்து விலகிச் ​செல்கிறான்...!
தண்ட​னை நிச்சயம் உண்டு என்றிடில்
தவறுகள் ​செய்ய தயங்கி நிற்கிறான்...
மரணத்​தேதி ​தெரிந்து விட்டா​லோ
மண்ணில் தவறுகள் கு​றைந்திடும் அன்​றோ?
​பொய்யும் களவும் நி​றைந்த வாழ்க்​கை
​மெய்யாய் நி​றைந்து உயர்ந்திடும் அன்​றோ?

இது முத்துக்கமலம் இணைய இதழின் படைப்பு.