காத்திருப்பில்...
பார்த்துக்கொண்டிருக்கிறோம்
பண்டிகை வரவை...
காசைக் கரியாக்குவதில்
போட்டா போட்டி,
கரியாகி
பட்டாசு ஆலை விபத்தில்
பலியானவர்களை மறந்துவிட்டோம்...
போனஸ் கிடைக்குமா-
ஏக்கத்தில்
நடுத்தர தொழிலாளர் வர்க்கம்...
தள்ளுபடி விலையில்
தள்ளி விடப்படுபவைகளுக்குத்
தள்ளு முள்ளு...
பிள்ளைகள் வருமா-
ஏக்கத்தில்
முதிர்ந்த பெற்றோர்...
இவர்கள் காத்திருப்பது
தீபாவளிக்கு...
ஏழைச் சிறுவன் இவன்
எண்ணத்தில் தீபாவளி,
மறுநாள்தான்...
காத்திருக்கிறான் இவன்-
கம்பி பொறுக்க...!
- செண்பக ஜெகதீசன்.
இது முத்துக்கமலம் இணைய இதழின் படைப்பு.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
