குருவிகள் சத்தம் உதிரும் இலைகள் கீழே அசைவற்ற கற்சிலை.

*****

கடல் பெரிது மலை பெரிது ரொம்ப சிறியது மனம்.

*****

சிரிப்பில்லாத சிரிப்பு கையில் புத்தர் பொம்மை தூக்கி எறிந்தது குழந்தை.

*****

அதே கடல் அதே பாறை மோதும் அலைகள் வெவ்வேறு.

*****

சீடன் உறவு துறந்தான் பக்தன் காதல் துறந்தான் எதையும் துறக்காமல் குரு.

*****

பூச்செடிகள் மண் ஈரத்தில் எந்தப் பறவையின் சின்னஞ் சிறு காலடிகள் அது.

*****

எங்கெங்கோ அலைந்து மனம் சோர்ந்து போனான் குருவைத் தேடிய சீடன்.

*****

பிஞ்சு விரல்களாய் தொங்கியது பச்சை வெண்டைக்காய்கள் உள்ளே வெண்முத்துப் பறல்கள்.

*****

உதிர்ந்து உதிர்ந்து தரையைப் பொன் நிறமாக்கியது மஞ்சள் சரக்கொன்றை.

*****

துளசி இலை பறித்து சென்றாள் துளசி இலைகளோடு என் மனசையும் சேர்த்து.

இது முத்துக்கமலம் இணைய இதழின் படைப்பு.