* முத்துக்கமலம் இணைய இதழ் கடந்த 1-6-2006 ஆம் நாளில் தொடங்கப்பெற்று, தற்போது 20 ஆண்டுகளைக் கடந்து 21 ஆம் ஆண்டில் பயணிக்கத் தொடங்கியிருக்கிறது.

* முத்துக்கமலம் இணைய இதழின் இருபது ஆண்டுப் பயணத்தில், பல்கலைக்கழகம் / கல்லூரிகளில் பணியாற்றி வரும் தமிழ்த்துறைப் பேராசிரியர்கள், தமிழ்த்துறை முனைவர் பட்ட ஆய்வாளர்கள், மாணவர்கள், எழுத்தாளர்கள், கவிஞர்கள், தமிழ் ஆர்வலர்கள் என்று ஆயிரத்துக்கும் மேற்பட்ட படைப்பாளர்களின் பங்களிப்பில், நாற்பது ஆயிரத்துக்கும் அதிகமான பக்கங்களிலான படைப்புகள் இடம் பெற்றிருக்கிறது.

* முத்துக்கமலம் இணைய இதழ் 18-6-2015 ஆம் நாள் முதல் பன்னாட்டுத் தரக் குறியீட்டு எண் (ISSN: 2454 - 1990) பெற்று, பன்னாட்டுத் தமிழ் மின்னிதழாக இணையத்தில் வலம் வந்து கொண்டிருக்கிறது.

* முத்துக்கமலம் பன்னாட்டுத் தமிழ் மின்னிதழ், சூன்’ 2017 முதல் இந்திய அரசின் பல்கலைக்கழக மானியக் குழுவின் தமிழ் மொழிக்கான அங்கீகரிக்கப்பட்ட ஆய்விதழ்களில் (இதழ் எண்: 64227) ஒன்றாக அறிவிக்கப்பட்டு, சூன்’2018 வரை ஓராண்டு காலத்திற்கும் மேல் இருந்திருக்கிறது.

* முத்துக்கமலம் பன்னாட்டுத் தமிழ் மின்னிதழினை நாள்தோறும் எழுநூறு முதல் ஆயிரம் தனித்துவப் பார்வையாளர்கள் (Unique Visitors) பார்வையிட்டு வருகின்றனர். முத்துக்கமலம் மின்னிதழ் பக்கங்களில் நாள்தோறும் சராசரியாக 3536 பக்கங்கள் பார்வையிடப்படுகின்றன

* தமிழ்நாடு அரசின் பள்ளிக்கல்வித்துறை வெளியிட்டுள்ள பத்தாம் வகுப்பு தமிழ்ப் பாடநூலில் "பண்பாடு - விருந்து போற்றுதும்" என்ற பாடத்தின் பின்பகுதியில் (69 ஆம் பக்கத்தில்) ‘இணையத்தில் காண்க’ எனும் தலைப்பின் கீழ் முத்துக்கமலம் இணைய இதழில் இடம் பெற்றிருக்கும் கட்டுரைக்கான இணைப்பு கொடுக்கப்பட்டிருக்கிறது.

* தமிழ்நாடு அரசின் பள்ளிக்கல்வித்துறை வெளியிட்டுள்ள மேல்நிலை முதலாமாண்டு சிறப்புத் தமிழ்ப் பாடநூலில் ’செயற்களம்’ பிரிவில் ‘4. இணைய ஊடகம் - உருவாக்கமும் பயன்பாடும்’ எனும் தலைப்பிலான பாடத்தில் ’இணைய இதழ்களில் படைப்புகள்’ எனும் தலைப்பின் கீழ் ‘முத்துக்கமலம்’ இதழ் குறித்த குறிப்பு இடம் பெற்றிருக்கிறது.

* முத்துக்கமலம் மின்னிதழில் இடம் பெற்றிருக்கும் சில படைப்புகளின் இணைய முகவரி தமிழ்நாட்டிலுள்ள பல்கலைக்கழகம் / கல்லூரிகளின் பாடத்திட்டங்களில் கொடுக்கப்பட்டிருக்கிறது.

* முத்துக்கமலம் மின்னிதழில் இடம் பெற்றிருக்கும் படைப்புகள் குறித்து இருவர் ஆய்வு செய்து ஆய்வியல் நிறைஞர் (எம்.பில்) பட்டங்களைப் பெற்றிருக்கின்றனர். ஒருவர் முனைவர் (பிஎச்.டி) பட்டப்படிப்பு மேற்கொண்டிருக்கின்றனர் என்பது இங்கு கவனிக்கத்தக்கது.

* முத்துக்கமலம் மின்னிதழ், உலகத் தமிழாராய்ச்சி நிறுவனம் உள்ளிட்ட தமிழ்நாட்டிலுள்ள கல்லூரிகளுடன் இணைந்து பன்னாட்டு / தேசியக் கருத்தரங்குகளை நடத்தி, பத்துக்கும் அதிகமான ஆய்வுத்தொகுப்புகளை வெளியிட்டிருக்கிறது என்பதும் குறிப்பிடத்தக்கது.

இதே போன்று, முத்துக்கமலம் மின்னிதழின் கடந்த இருபது ஆண்டுப் பயணத்தில் இன்னும் எத்தனையோ சிறப்புகளைப் பெற்றிருக்கிறது. முத்துக்கமலம் மின்னிதழ் இனி தொடரவிருக்கிற இருபத்தொன்றாம் ஆண்டுப் பயணத்திலும் மேலும் பல சிறப்புகளைப் பெற்றிடப் படைப்பாளர்கள் மற்றும் வாசகர்களின் ஒத்துழைப்பினை வேண்டுகிறோம்

- ஆசிரியர் குழு, முத்துக்கமலம் இணைய இதழ்

முத்துக்கமலம் இணைய இதழுக்குக் கதை, கட்டுரை, கவிதை, நகைச்சுவை, சமையல் குறிப்புகள் உள்ளிட்ட அனைத்துப் பகுதிகளுக்கும் படைப்புகள் வரவேற்கப்படுகின்றன.

உங்கள் படைப்புகளைத் தமிழ் ஒருங்குறி எழுத்துருவில் (Unicode Font) தட்டச்சு செய்து msmuthukamalam@gmail.comஎனும் மின்னஞ்சல் முகவரிக்கு அனுப்பி வைக்கலாம். தேர்வு செய்யப்படும் படைப்புகள் அடுத்து வரும் புதுப்பித்தல்களின் போது இடம் பெறும்.

- ஆசிரியர், முத்துக்கமலம் இணைய இதழ்